हेमराज पहारी पुरस्कार मकवानपुरकाे झरना साहित्यिक परिवारलाई

Avatar आदर्श समाज सम्वाददाता
फागुन १८, २०७७
hemraj prize

पोखरा । हेमराज पहारी स्मृति पुरस्कारबाट बकैया मकवानपुरको झरना साहित्यिक परिवार सम्मानित भएको छ । हेमराज पहारीको स्मृति दिवस अवसरमा सोमबार हेटौंडामा आयोजित समारोहमा वागमती प्रदेशका मुख्यमन्त्री डोरमणि पौडेल र हेमराज पहारी स्मृति प्रतिष्ठानकी अध्यक्ष रीता न्यौपानेले परिवारका अध्यक्ष दीपक गौतमलाई पुरस्कार हस्तान्तरण गरेका हुन् । पुरस्कार राशि १ लाख रुपैयाँ र ताम्रपत्र छ ।

मुख्यमन्त्री पौडेलले पछिल्लो समयमा साहित्यप्रति युवा पुस्ताको रुचि हराउँदै जान थालेको भन्दै चिन्ता व्यक्त गरे । उनले नेपाली साहित्यलाई सुस्ताउन नदिन युवा पुस्ता जागरुक हुनु आवश्यक रहेको स्पष्ट पारे । कला, साहित्य र संस्कृति देशको पहिचान भएको भन्दै यस्ता साहित्यिक कार्यक्रमले निकै ठूलो महत्व राख्ने मुख्यमन्त्री पौडेलले बताए ।

नेपाली साहित्यलाई सुस्ताउन नदिन युवा पुस्ता जागरुक हुनु आवश्यक

साझा प्रकाशनका महाप्रबन्धक होम गौतमले नेपालको कला, साहित्य, संस्कृति र संस्कारको संरक्षणका लागि साझा प्रकाशनले ध्यान दिने बताए ।
अग्रज साहित्यकार निमेष निखिल, तुलसी थापा र आरआर चौलागाईंले एक संस्थाले अर्को संस्थालाई सम्मान गर्नु नेपाली वाङ्मयको क्षेत्रमा निकै नमूना काम भएको बताए ।

परिवारका अध्यक्ष दीपक गौतमले पुरस्कार संस्थाका लागि निकै महत्वपूर्ण हुने बताए ।

प्रतिष्ठान अध्यक्ष रीता न्यौपानेको अध्यक्षतामा भएको कार्यक्रममा प्रतिष्ठान सदस्य एवं पुरस्कार छनोट समितिका संयोजक हरिदेवी कोइरालाले स्वागत, सदस्य अनिल पौडेल र साहित्यकार लक्ष्मी निरौलाले प्रतिष्ठान र हेमराज पहारीको बारेमा जानकारी र कवि जयन्ता पोखरेलले कार्यक्रम सञ्चालन गरेकी थिइन् ।
सो अवसरमा परिवारका संस्थापक अध्यक्ष रमेशमोहन अधिकारी र निवर्तमान अध्यक्ष उद्धव सापकोटालाई सम्मान गरिएको थियो ।

प्रत्येक २ वर्षमा प्रदान गरिने सो पुरस्कारबाट शताब्दीपुरुष सत्यमोहन जोशी, राप्ती साहित्य परिषद्, धरानको विमल गुरुङ स्मृति पुस्तकालय र लोककवि अली मियाँ सम्मानित भैसकेका छन् ।
..

Related News

सम्बन्धित समाचार

    • समता काव्य सन्ध्याको ३३५ औं शृंखला

      Avatar आदर्श समाज सम्वाददाता वैशाख ४, २०७८
      पोखरा। पोखरेली युवा सांस्कृतिक परिवार (पोयुसांप) ले सञ्चालन गर्दै आएको समता काव्य सन्ध्याको ३३५ औं शृंखला शनिबार भएको छ ।…
    • प्रवीण स्मृति कार्यक्रममा श्रष्टा सम्मान

      Avatar आदर्श समाज सम्वाददाता चैत्र २०, २०७७
      हेमजा । अन्नपूर्ण गाउँपालिकामा शुक्रबार स्रष्टा सम्मान गरिएको छ । लोक गायक प्रवीण गुरुङको स्मृतिमा लुम्लेमा जारी कार्यक्रममा बाटुलेचौर निवासी…
    • पर्यटन काव्ययात्राको ९ बुँदे घोषणापत्र

      Avatar आदर्श समाज सम्वाददाता चैत्र १५, २०७७
      लमजुङ । लमजुङमा आयोजित साहित्यका लागि पर्यटन काव्ययात्रा ९ बुँदे घोषणापत्र जारी गर्दै सकिएको छ । घोषणापत्रमा राष्ट्रकवि माधव घिमिरे, डा…
    • नाटक महोत्सवमा ‘न्यायको खोजी’ उत्कृष्ट

      Avatar आदर्श समाज सम्वाददाता चैत्र १५, २०७७
      पोखरा । पोखरा थिएटरले आयोजना गरेको गण्डकी प्रदेशस्तरीय विद्यालय नाटक महोत्सव २०७७ मा ‘न्यायको खोजी’ नाटक प्रथम भएको छ ।…
    • लक्ष्मण थापाले ल्याए ‘अक्षरहरुको मूर्च्छना’

      Avatar आदर्श समाज सम्वाददाता चैत्र १४, २०७७
      पोखरा । साहित्यकार लक्ष्मण थापाको पाँचौ कृति कविता संग्रह ‘अक्षरहरुको मूर्च्छना’ शनिबार पोखरामा लोकार्पण गरिएको छ । पोखरेली युवा सास्कृतिक…

    hero news full width

    sanil ads

    wordlink ads