दमौली । नाइकेको विषयमा उत्पन्न विवादले उग्ररुप लिएपछि जिल्ला कारागार तनहुँबाट २५ कैदीबन्दी स्थानान्तरण गरिएको छ ।
आइतबार अपराह्न कारागारभित्र नाइकेको विषयमा विवाद हुँदा झडप भएपछि ६ कैदीबन्दी घाइते भएका थिए । सो घटनामा संलग्न २५ जनालाई स्थानान्तरण गरिएको हो ।
सुरक्षा निकायको बैठकले उनीहरुलाई सुरक्षा जोखिमका कारण अन्यत्र स्थानान्तरण गरेको निमित्त जेलर नारायण अधिकारीले जानकारी दिए ।
प्रमुख जिल्ला अधिकारी सागर आचार्य, प्रहरी उपरीक्षक अरुण पौडेल लगायत संलग्न सुरक्षा निकायका प्रमुखको बैठकको निर्णय अनुसार आइतबार राति नै उनीहरुलाई स्थानान्तरण गरिसकिएको नि. जेलर अधिकारीको भनाइ छ ।
कारागार कार्यालयभित्र रहेको ब्लक ‘बि’ मा आन्तरिक प्रशासनको जिम्मेवारीमा रहेका कैदी र सोही ब्लकमा रहेका अन्य थुनुवा, कैदीबीच कारागारभित्रको सेवासुविधामा विभेद गरेको भन्ने विषय बनाएर झगडा हुँदा ६ कैदी घाइते भएका थिए । झडडमा कुलबहादुर तामाङ, अनुप थापा, माधव कँडेल, धनबहादुर शाही, दीपक दर्जी र ज्ञानबहादुर विक घाइते भएका हुन् । केही महिनाअघि काठमाडौंबाट सरुवा भएर आएका कैदीहरूको समूहले कैदी नाइके बन्न आफूहरूमाथि आक्रमण गरेको स्रोतले जनाएको छ ।
घाइतेलाई दमौली अस्पतालमा उपचारपछि कारागार फर्काइएको थियो । यसैबीच उक्त घटना छानबिनका लागि जिल्ला प्रशासन कार्यालयले समिति गठन गरेको छ । कारागारको विविध पक्षको अध्ययन गर्न सहायक प्रमुख जिल्ला अधिकारी चित्रांगद बरालको संयोजकत्वमा ३ सदस्यीय छानबिन टोली गठन गरिएको छ ।
Related News
सम्बन्धित समाचार
जसुलाई रोटरी भोकेसनल एक्सिलेन्स अवार्ड
पोखराको काहुँडाँडामा भीषण आगलागी
आर्वामा भलिबल प्रतियोगिता हुने
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
hero news full width
मुख्य समाचार
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
चैत्र ५, २०८०सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
चैत्र ५, २०८०गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०