पोखरा । पोखरा महानगरपालिका १ बगर स्थित पुरानो टुडिखेलमा जारी ‘विरेन स्मृति १४ औं बिटी कप सेभेन ए साइड फुटबल प्रतियोगिता अन्तर्गत सोमबार ९ खेल भएका छन् ।

पोखराको पुरानो टुडिखेल मैदानमा भएको दोस्रो दिनको पहिलो खेलमा बिटी सेतोले छोरेपाटन एफसीलाई ११–० गोलको फराकिलो अन्तरले पराजित गरेको हो । बिटीको जीतमा सुनिल विकले डबल ह्याट्रिक गरे । त्यस्तै लक्ष्मण रुचाल र विनोद गुरुङले समान २ गोल गरे भने सुदिप पाठकले १ गोल थपे ।

अर्काे खेलमा फोर टु फाइभ एफसीले आयोजक ओरेन्जलाई ४–१ गोल अन्तरले पराजिय ग¥यो । फोर टु फाइभको जीतमा सकुल गुरुङले २ गोल गरे भने आशिष क्षेत्री र संगम ठकुरीले समान १ गोलको योगदान दिए । आयोजक बिटी ओरेन्जको तर्फबाट राजन केसीले सान्त्वना १ गोल फर्काए ।

नारायण गोपाल शीतल देवी क्लबलाई २–० को गोल अन्तरले हराउँदै एलजी एसोसिएसन दोस्रो चरणमा प्रवेश ग¥यो । एलजीको जीतमा प्रियसन गुरुङ र विजय गुरुङले समान १ गोलको योगदान दिए ।

मेरो नेपाल फुटबल क्लबलाई रञ्जन मेमोरियलले २–० गोल अन्तरले पराजित गरेको प्रचारप्रसार संयोजक अमृत लामा गुरुङले जानकारी दिए । उनका अनुसार रञ्जनको जीतमा सुशान गुरुङ र रोशन छन्त्यालले समान १ गोल गरेका थिए । पाँचौं खेलमा एसवाइसिबीले विष्णु पादुकालाई २–१ गोल अन्तरले पाराजित ग¥यो । एसवाइसिबीको जीतमा रवीन्द्र मल्ल र खीम गुरुङले समान १ गोल गरे भने विष्णु पादुकाका तर्फबाट विशाल सुनारले सान्त्वना १ गोल फर्काए ।

छैटौं खेलमा लाहाचोक एफसीले काँडे एपेक्सलाई ५–० गोलको फराकिलो अन्तरले पराजित गर्दै दोस्रो चरणमा स्थान जमायो । लाहाचोकको जीतमा विवेक सन्तोषीले २ गोल र मनिस थापा, दीपेन्द्र नेपाली । अनिल थापा मगरले समान १ गोल दिलाए ।

सातौं खेलमा पाटन एफसीले भदौरे क्लबलाई ३–० गोल अन्तरले हरायो । पाटनको जीतमा कुशल राईले २ गोल र हानोक तामाङले १ गोलको योगदान दिए ।

त्यसैगरी नयाँगल्ली र ह्याप्पी ब्रदर्शबीच भएको आठौं खेल गोलरहित बराबरीमा सकिएपछि टाइब्रेकरमा नयाँगल्ली ३–१ गोल अन्तरले विजयी बन्यो ।
त्यस्तै अन्तिम खेलमा रत्नसमाज सेवा समिति कसेरीलाई कमल पोखरी एफसीले १–० को गोल अन्तरले हरायो । कमल पोखरीको जीतमा हेम आलेमगरले निर्णायक गोल गरे । सोमबार समेत ९ खेल सञ्चालन गरिने बताउँदै प्रचारप्रसार संयोजक अमृत लामा गुरुङले पहिलो खेल भीमकाली क्लब र एम फाइभबीच हुने जानकारी दिए ।