नृत्य र गायनमा सप्तरंगी प्रतिभाको खोजी हुने

Avatar आदर्श समाज सम्वाददाता
फागुन १६, २०७७
saptarangi photo

पोखरा । गण्डकी प्रदेशस्तरीय नृत्य र गायनमा प्रतिभाको खोजी हुने भएको छ । गण्डकी प्रदेश सरकार सामाजिक मन्त्रालयसँगको सहकार्यमा सप्तरंगी सास्कृतिक प्रतिष्ठानद्वारा सप्तरंगी प्रतिभाको खोजी–२०७७ हुन लागेको हो ।

यही चैत ७ गते पोखरा उद्योग वाणिज्य संघको हलमा हुने कार्यक्रमलाई सफल गर्न गोरे गुरुङको संयोजकमा मूल समिति र विभिन्न उप–समिति गठन गरिएको छ । मूल समितिका सह–संयोजकमा जसु गुरुङ र सदस्यहरुमा खिमकुमार गुरुङ, कृष्णप्रसाद भण्डारी, गजेन्द्र गुरुङ, लोकबहादुर गुरुङ, पशुपति गुप्ता जुना क्षत्री, सुकु हिराचन र शारदा भट्टराई रहेका छन् ।

एकल खुला गायन प्रतियोगिता पहिलो चरणको अडिसन बाग्लुङ सदरमुकामस्थित राधाकृष्ण मन्दिरको सभाहलमा सम्पन्न भएको छ । अडिसनको उद्घाटन गर्दै वरिष्ठ साहित्यकार प्रेम छोटाले सप्तरंगी प्रतिभाको खोजीले गाउँ–गाउँमा लुकेका प्रतिभाहरुको प्रतिभा प्रस्फुटन हुनेमा आफू विश्वस्त रहेको बताए ।

अडिसनमा गण्डकी प्रदेश बाग्लुङ, पर्वत, म्याग्दी, मुस्ताङ, कास्की, गोर्खा जिल्लाका गरी ३३ जना गायक गायिकाहरुको सहभागिता थियो । अडिसनबाट अरुण सुनार (पर्वत), अमन सुवेदी (बागलुङ), हेमलाल विक (कास्की), कुसुम पुनमगर (बागलुङ), समित परियार (बागलुङ), हरिकला थापा (बागलुङ), हेमबहादुर परियार (बागलुङ), शान्त सुनार (बागलुङ), सिम्रिका घिमिरे (बाग्लुङ), निरुता विश्वकर्मा (पर्वत), कृति थापा क्षत्री (बागलुङ), अस्मिता विक (पर्वत) गरी उत्कृष्ट १२ जना दोस्रो चरणका लागि चयन गरिएको उप–समिति सदस्य पिङ्ला भट्टले जानकारी दिइन् ।

पहिलो र दोस्रो चरणको अडिसनबाट उत्कृष्ट १० छनोट गरी प्रतियोगीलाई चैत ७ हुने फाइनल राउण्ड भिडाइने भएको छ । पहिलो चरणको अडिसन बाग्लुङ र पोखरापछि अन्य कार्यक्रम पोखरामै हुने जनाइएको छ ।

प्रतियोगितामा नृत्यतर्फ प्रमाण पत्र र ट्रफीसहित प्रथम पुरस्कार १ लाख, द्वितीय ५० हजार र तृतीय २५ हजार रहेको छ भने गायनतर्फ प्रमाण पत्र र ट्रफीसहित प्रथम पुरस्कार ५० हजार, द्वितीय २५ हजार, तृतीय १५ हजार र सान्त्वना ७ हजार ५ सय रहेको आयोजक संस्थाले जानकारी दिएको छ ।

अडिसनको निर्णायकमा संगीतकार नवराज बराल, गीतकार सुमन श्रापित, गायिका लक्ष्मी गिरी र गायक पशुपति गुप्ता थिए ।

दोस्रो चरणको छनोट फागुन २९ गते पोखराको कास्की न्युरोड रोधी क्लबको सभाहलमा हुने प्रतिष्ठानका अध्यक्ष पद्मराज ढकालले जानकारी दिए ।

कार्यक्रममा प्रतिष्ठानका सस्थापक अध्यक्ष नवराज बराल, संगीतकर्मी सज्जन सिंह, महेशचन्द्र प्रधान, सुमन श्रापित र संगीत प्रशिक्षक सूर्य घतानीले बोलेका थिए । कार्यक्रम राधाकृष्ण सेवा समितिका अध्यक्ष रमेश राजभण्डारीको सभापतित्व सम्पन्न भएको थियो ।

Related News

सम्बन्धित समाचार

    • धनबहादुर गायकको स्मृतिमा प्रतिष्ठान

      Avatar आदर्श समाज सम्वाददाता वैशाख ७, २०७८
      पोखरा । लोकगायक धनबहादुर गायकको ६० औं जन्मजयन्तीको अवसरमा स्मृति प्रतिष्ठान एवं मौलिक बाजा संरक्षण पाठशाला गठनबारे छलफल भएको छ…
    • अब बाँच्छ सिक्लेसी ठाडो भाका

      धनबहादुर गुरुङ धनबहादुर गुरुङ चैत्र १९, २०७७
      पोखरा । पर्यटकीय गाउँ सिक्लेसकी नौमाया गुरुङ सानैदेखि गाउन सिपालु थिइन् । सिक्लेसमा घाटु, सोरठी, कृष्ण चरित्र, कस्केली ठाडोभाका लगायत…
    • पर्वतका अरुण बने सप्तरंगी प्रतिभा

      Avatar आदर्श समाज सम्वाददाता चैत्र १४, २०७७
      पोखरा । सप्तरंगी सांस्कृतिक प्रतिष्ठानको सप्तरंगी प्रतिभाको खोजी–२०७७ सम्पन्न भएको छ । प्रतिभाको खोजी एकल खुला गायनतर्फ पर्वतका अरुण सुनार भए…
    • प्रवीण गुरुङको स्मृतिमा जन्मभूमिमा साताव्यापी कार्यक्रम

      Avatar आदर्श समाज सम्वाददाता चैत्र ५, २०७७
      हेमजा । अन्नपूर्ण गाउँपालिकाले लोक गायक  प्रवीण गुरुङको स्मृतिमा उनको जन्म गाउँ अन्नपूर्ण ६ लुम्लेमा साताव्यापी कार्यक्रम गर्ने भएको छ…
    • सुनिल गायकको ‘कहिले भइन’ सार्वजनिक

      Avatar आदर्श समाज सम्वाददाता चैत्र ५, २०७७
      पोखरा । सुनिल गायकको ‘कहिले भइन’ म्युजिक भिडियो सार्वजनिक भएको छ । सारङ्गी म्युजिक स्टुडियोको प्रस्तुति र सुनिलकै शब्द संगीतमा…

    hero news full width

    sanil ads

    wordlink ads