गलेश्वर मन्दिर पित्तलले छाइने

rss रासस
फागुन १६, २०७७
galeshwor-shiva-ji-mandir

बेनी । बेनी नगरपालिका–९ स्थित गलेश्वरको शिवालय मन्दिरको छाना फेरिने भएको छ । गलेश्वर शिवालय क्षेत्र विकास कोषको शनिबार सम्पन्न १५औँ कार्यकारी सभाले मन्दिरको छानालाई पित्तलले छाउने निर्णय गरेको हो ।

मन्दिरको छाना छाउन कोषका आजीवन सदस्य रमेश शर्माले साधारणसभामा रु पाँच लाख ५५ हजार ५५५ आर्थिक सहयोग गर्ने घोषणा गर्नुभयो ।

मन्दिरको छाना हाल सिमेन्टको छ । कोषका सदस्यसचिव माधवप्रसाद रेग्मीले बाँकी कोषको आन्तिरक स्रोतबाट मन्दिरको छाना परिवर्तन गरिने बताउनुभयो । शर्माका बुवा राधाकृष्ण पराजुलीले विसं २०५५ मा रु २० लाख खर्चेर मन्दिर निर्माण गर्नुभएको थियो ।

पित्तलको छाना राख्न रु २५ लाख लागत अनुमान गरिएको छ । हिन्दू तथा बौद्ध धर्मावलम्बीको साझा तीर्थस्थल मुक्तिनाथ प्रवेशद्धारका रूपमा परिचित गलेश्वर म्याग्दीको प्रमुख धार्मिकस्थल हो । कालीगण्डकी नदी किनारमा नौ रोपनी क्षेत्रफलमा फैलिएको एउटै चट्टानमाथि अवस्थित गलेश्वरमा शिवालय मन्दिर छ ।

हिन्दू धर्मगन्थ्रमा गलेश्वरमा सतिदेवीको गला पतन भएको उल्लेख छ । साउन महिनाको सोमबार, बालाचतुर्दशी र महाशिवरात्रि पर्वमा मेला लाग्ने गलेश्वरमा दैनिक पूजाआज हुन्छ । गलेश्वरमा पूजाआजा र दर्शन गरेमा मनोकाङ्क्षा पूरा हुने विश्वास रहेको पण्डित भीमनाथ पराजुलीले बताउनुभयो ।

सभामा गलेश्वर शिवालय क्षेत्र विकास कोषका कोषाध्यक्ष बमबहादुर पुनले पुस मसान्तसम्म गत वर्षको समेत गरी रु दुई करोड ८६ लाख २० हजार ७२८ आम्दानी र रु १९ लाख ६७ हजार ८१४ खर्च भएको आर्थिक प्रतिवेदन प्रस्तुत गर्नुभएको थियो । कोषको कूल बचत रु दुई करोड ६६ लाख ५२ हजार ९१३ बचत रहेको उहाँले बताउनुभयो ।

Related News

सम्बन्धित समाचार

    • पुष्करेश्वर शिव मन्दिरमा नयाँ कार्यसमिति

      Avatar आदर्श समाज सम्वाददाता वैशाख ४, २०७८
      पोखरा। पोखरा–७ स्थित पुष्करेश्वर शिव मन्दिरको छैटौं साधारणसभा तथा अधिवेशनले पिताम्बर बरालको अध्यक्षतामा नयाँ कार्यसमिति चयन गरेको छ । कार्यसमिति…
    • हराएको ३७ वर्षपछि फकिएको मूर्ति हस्तान्तरण

      Avatar आदर्श समाज सम्वाददाता वैशाख ३, २०७८
      ललितपुर । ललितपुर महानगरपालिका–१६ स्थित नारायण मन्दिरमा रहेको मूर्ति हराएको ३७ वर्षपछि फेला परेको छ । संयुक्त राज्य अमेरिकामा फेला…
    • भट्टराई कुलवंश प्रतिष्ठानको महाधिवेशन

      Avatar आदर्श समाज सम्वाददाता चैत्र २१, २०७७
      पोखरा । भट्टराई कुलवंश प्रतिष्ठान नेपालको २७ औं वार्षिक साधारणसभा तथा नवौं महाधिवेशन पोखरामा शुक्रबार सुरु भयो । महाधिवेशनको सर्वोच्च…
    • महाशिवरात्रिमा शान्ति शोभायात्रा

      Avatar आदर्श समाज सम्वाददाता फागुन २७, २०७७
      पोखरा । महाशिवरात्रि पर्व अवसरमा ब्रह्मकुमारी ईश्वरीय विश्वविद्यालय क्षेत्रीय कार्यालय पोखराले शिव ध्वजारोहण, शान्ति शोभायात्रा तथा स्नेहमिलन कार्यक्रम आयोजना ग¥यो…
    • विश्व हिन्दू महासंघको प्रशिक्षण

      Avatar आदर्श समाज सम्वाददाता फागुन २४, २०७७
      पोखरा । १११ औं अन्तर्राष्ट्रिय नारी दिवस अवसरमा विश्व हिन्दू महासंघ नेपाल पोखरा महानगर कमिटीको आयोजनामा हिन्दू संस्कृति र सनातन…

    hero news full width

    sanil ads

    wordlink ads