पोखरा । प्रथम लेकसाइड एरेना एमेच्योर फुटसल कप उपाधि टिम आयोजकको टिम वल्ड ट्राफोर्डले जितेको छ ।

पोखरा महानगरपालिका–६ लेकसाइडको फुटसल एरेनामा शनिबार भएको फाइनल खेलमा मयुर टाइम्स न्युजलाई ३–१ गोल अन्तरले पराजित गर्दै ट्राफोर्डले उपाधि जितेको हो ।

ट्राफोर्डको जीतमा रोहित नेपालीले २ र सञ्जय बुढाथोकीले १ गोल गरे । मयुर टाइम्स न्युजका लागि १ मात्र सान्त्वना गोल खेम गुरुङले गरे ।

विजेता टिम वल्ड ट्राफोर्डले उपाधिसँगै सिल्ड, मेडलसहित नगद २२ हजार रुपैयाँ हात पा¥यो भने उपविजेता मयुर टाइम्स न्युजले सिल्ड, मेडलसहित नगद ११ हजार रुपैयाँमा चित्त बुझायो । कुल २४ टिमहरुको सहभागिता रहेको प्रतियोगितामा वल्ड ट्राफोडका बिनम गुरुङ सर्वोत्कृष्ट खेलाडी चुनिए ।

उनले गिफ्ट भौचर प्राप्त गरे । वल्ड ट्राफोडकै विराज श्रेष्ठ उत्कृष्ट गोलरक्षक चुनिए । विजेता खेलाडीहरुलाई गण्डकी प्रदेशका प्रदेश सभा सदस्य राजिव गुरुङ, नेपाल फुटसल एसोसिएसनका संयोजक विनोद गुरुङ, आयोजक विक्की कार्की, विसम पहारी लगायतले पुरस्कार वितरण गरेका थिए ।