पोखरा । जिल्ला ट्राफिक कार्यालय कास्कीको रेकर्ड अनुसार साउनदेखि माघ मसान्तसम्म २ सय ४५ चालक मादक पदार्थ सेवन (मापसे) कारबाहीमा परे । उनीहरुबाट जरिवाना स्वरुप २ लाख ४५ हजार रुपैयाँ रकम पनि संकलन भयो । यही जरिवाना संकलन गर्न पनि ट्राफिक प्रहरीलाई निकै सकस भयो । कारण थियो कोरोना महामारी ।
सरकारले पोहोर चैत ११ गतेदेखि लकडाउन गरेसँगै सडकमा गाडी चलेनन् । ठप्प सडकमा ट्राफिक जाँच नै भएन तर साउन ७ गतेदेखि लकडाउन केही खुकुलो भयो । सडकमा फाट्टफुट्ट सवारी चल्न सुरु गरे । बजार खुल्न थाले, त्योसँगै होटल, रेस्टुरेन्ट पनि मापदण्ड पूरा गर्दै खुल्न सुरु भयो । नेपालीहरुको ठूला भनिएका चाडबाड पनि नजिकिदै गयो । खुलेका होटल रेस्टुरेन्ट अनि नजिकिएको चाडबाँडसँगै मापसे गरेर चलाउनेहरु पनि बढ्न थाले । त्यो बेला ट्राफिक चेकिङ पनि बढेकै थियो ।
लकडाउन खुल्यो, बजार खुल्यो, चाँडबाड नजिकियो तर कोरोना संक्रमितको दर भने दिनानुदिन बढ्दै थियो । फिल्डमा खटिएका ट्राफिकलाई भने कसरी मापसे चेक गर्न भने टाउको दुखाइ बन्यो । ड्युटीमा खटिसकेपछि काम त गर्नै प¥यो । जसोतसो आफूहरुले मापसे चेकिङ गरिरहेको जिल्ला ट्राफिक प्रहरी कार्यालय कास्कीका प्रहरी नायव निरीक्षक पूर्णबहादुर अधिकारीलले जानकारी दिए । ‘कोरोना सर्छ कि भन्ने डर त थियो तर संयमता अपनाएर काम गरेका छौं,’ उनले भने, ‘टाढाबाट बे्रथलाइजर प्रयोग गरेर काम गरेका हो ।’ चालकले मापसे गरेको स्वीकारेका खण्डमा सजिलो हुने गरेको उनको भनाइ थियो । ‘स्वीकारेको खण्डमा अवस्था हेरेर कारबाही गरिएको छ,’ अधिकारीले भने, ‘होइन मैले खाएकै छैन, गल्ती गरेकै छैन भनेको खण्डमा गाह्रो हो, त्यो बेला टाढाबाट ब्रेथलाइजरले हेर्ने देखि मेडिकल गर्नेसम्म गरिएको छ ।’ मापसे गरेकोलाई चलाउन दिँदा दुर्घटना हुने डर, चेकिङ गर्दा कोरोनाको चुनौती भोगेको अधिकारीले बताए ।
कोरोनाको कहरकाबीचमा कास्कीमा ३७ वटा सवारी दुर्घटना भएको थियो । ती दुर्घटनामा परी २६ जनाले ज्यान गुमाए भने १९ जना घाइते भएको अधिकारीले बताए । यो बीचमा १८ हजार १४ सवारी कारबाहीमा परे । चालक कारबाहीबाट १ करोड २९ लाख ३८ हजार ७ सय रुपैयाँ राजस्व संकलन भएको अधिकारीले जानकारी दिए । साउनदेखि माघ मसान्तसम्म २ हजार ८ सय ९२ ट्रक तथा ट्रिपर, १ हजार ८ सय ९४ बस कारबाहीमा परेका छन् । दुई पांग्रे सवारी ७ हजार २ सय ५१ वटा कारबाहीमा परेको हो । ५ हजार १ सय ३४ कार, जिप कारबाहीमा पर्दा ८ सय ४० ट्याक्टर पनि परेका छन् ।
नयाँ भवनमा सरेपछि सहज
जिल्ला ट्राफिक कार्यालय कास्की नयाँ भवनमा सरेको छ । पोखरा महानगरपालिका वडा नं. ९ स्थित सहाराटोेलमा भवन निर्माण भएको हो । २०७५ असारबाट निर्माण सुरु भएको भवनको काम सम्पन्न भएर गत मंसिर १२ गते उद्घाटन गरिएको हो । साढे २ तलाको भवनमा १३ वटा कोठा छन् । नागरिकस्तरबाट भवन निर्माण अभियान सञ्चालन गरेर भवन बनाइएको जिल्ला ट्राफिक कार्यालय कास्कीका प्रहरी सहायक निरीक्षक अधिकारीले बताए । पृथ्वीचोकमा रहेको ट्राफिक भवन पुरानो र जिर्ण अवस्थामा रहेकाले नयाँ भवन बनाउन सुरु गरिएको हो । पुरानो भवनमा ट्राफिक प्रहरीले धेरै समस्या भोग्नु परेको थियो । भवन परिसरमा मेस र व्यारेक पनि निर्माण भएको छ । भवन निर्माणका लागि पोखराका यातायात व्यवसायीसँग सम्बन्धित संघसंस्था, पोखरा महानगरपालिका, पोखरा उद्योग वाणिज्य संघ लगायत विभिन्न संघसंस्थाबाट सहयोग प्राप्त भएको अधिकारीले जानकारी दिए ।
नयाँ भवनमा परिसकेपछि धेरै राहत भएको उनले बताए । पुरानो भवनमा रहदा ट्राफिक प्रहरीलाई बस्न, सेवाग्राहीलाई सेवा दिन, दुर्घटना भएर ल्याएका सवारी साधन राख्न लगायतको समस्या रहेको उनको भनाई छ । नयाँ भवनमा सरेपछि त्यस्ता समस्या नरहेको अधिकारीले जानकारी दिए ।
जरिवाना सिधै बैंक खातामा
ट्राफिक कार्यालय कास्कीले जरिवाना बैंकमार्फत सिधै खातामा जम्मा गर्न सुरु गरेको छ । त्यसका लागि कार्यालय हातामै बैंक काउन्टर सञ्चालनमा ल्याइएको छ । ग्लोबल आइएमई बैंकसँगको सहकार्यमा पोखरा महानगरपालिका–९ नयाँ बजारस्थित ट्राफिक कार्यालयको भवनमा काउन्टर सञ्चालन ल्याएको हो । जिल्लाभित्र ट्राफिक व्यवस्थापन गर्ने क्रममा सवारी नियम उल्लंघन गर्ने चालकलाई कारवाही गर्ने सिलसिलामा सवारी नियम उल्लंघन बापत जरिवाना रकम बैंकिङ प्रणालीमार्फत सिधै ‘जरिवाना रकम राजश्व खाता’ मा जम्मा गरिनेछ । कारवाहीमा परेका सवारी चालकले जरिवाना रकम उल्लेखित रसिद लिई जिल्ला ट्राफिक प्रहरी कार्यालय कास्कीको तल्लो तलामा रहेको काउन्टरमा गई राजश्व दाखिला गराउनुपर्नेछ । बैंक काउन्टर स्थापनापछि ट्राफिक कामकारवाही सहज छिटो छरितो र पारदर्शी तरिकाले सञ्चालनका लागि सहयोग पुगेको अधिकारीले बताए ।
Related News
सम्बन्धित समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१