माछापुच्छ्रेका छाेरीबुहारी चुलोचौको छाडेर लोक सेवा तयारीमा जुटे

Avatar श्रीभद्र पौडेल
फागुन १३, २०७७
loksewa

हेमजा । माछापुच्छ्रे–८, ठाँटीकी वसन्ती गौतम सबेरै उठ्छिन् । नित्यकर्मसँगै घरको काम सघाउँछिन् । करिब ७ बजेतिर उनी लोक सेवा पढ्न गाउँपालिकातिर लाग्छिन् ।

पहिलेभन्दा अहिले समाज महिलामैत्री बनेको भन्दै उनी खुसी छन् । पहिले आमा, दिदीबहिनी चुलोचौकोमा मात्र सीमित हुनु प¥यो । यदि यसरी घरभित्रै खुम्चिनु नपरेको भए कति जना राष्ट्र सेवाका पदमा पुग्थे होलान् भन्ने लाग्दो रहेछ । ‘हामी त कम्तीमा केही सिक्न घरबाट फुत्किन पायौं,’ उनी फुरुङ्ग हुँदै भन्छिन् ।

लाहाचोककी दीपा खुलाललाई पहिलेदेखि लोक सेवा तयारी कक्षा लिन पाए हुन्थ्यो भन्ने लागेको थियो । तर मनको कुरो पूरा हुन सकेको थिएन ।
यत्तिकैमा गाउँपालिकाले महिलाका लागि लोक सेवाको निशुल्क तयारी कक्षा दिने भनी सूचना निकाल्यो । गौतम र खुलालले पनि दरखास्त भरे । कुल ३० जनाको सिट संख्यामा भर्ना लिने भनिएकोमा ३५ जनाको आवेदन प¥यो । अन्ततः गाउँपालिकाले निवेदन परे जति सबैलाई सहभागी गरायो । माघ २४ देखि चलेको लोक सेवाको कक्षामा गौतम र खुलाल विद्यार्थी हुन् । उनीहरु चुलोचौको छोडेर सरकार जागिरको आशामा नियमित पढिरहेका छन् ।

२ महिनासम्म चल्ने कक्षामा ३५ मध्ये २२ जना बुहारी सहभागी छन्

खुलाल र गौतम त प्रतिनिधि मात्रै हुन् । उनीहरु जस्तै अन्य दिदीबहिनी पनि कक्षा लिन पाएकोमा खुसी छन् । मिहिनेतपूर्वक अध्ययन गरी लोक सेवाको परीक्षा कटाउने उनीहरुको धोको छ ।

गाउँपालिकाले ‘उपाध्यक्षसँग महिला बालबालिका कार्यक्रम’ अन्तर्गत तयारी कक्षा दिन सुरु गरेको हो । सो कक्षाबाट महिला आत्मनिर्भर हुने र निजामतीमा महिलाको सहभागिता बढ्ने आशा गरिएको छ ।

यतिबेला राजपत्र अनंकित प्रथम श्रेणीअन्तर्गत नासु र द्वितीय श्रेणीअन्तर्गत खरिदार तहको कक्षा सञ्चालन भएको गाउँपालिका उपाध्यक्ष कृष्णकुमारी दवाडीले जानकारी दिइन् । २ महिनासम्म चल्ने कक्षामा ३५ मध्ये २२ जना बुहारी सहभागी छन् ।

लोक सेवा पढ्न गाउँपालिकाको धम्पुस, ल्वाङघलेल, रिभान, माछापुच्छे«, धिताल, घाचोक, लाहाचोक लगायत स्थानबाट बिहानी ८ देखि साढे ९ सम्म दिदीबहिनी गाउँपालिका कार्यालय जाने गरेका छन् । बिदाको दिन दिउँसो कक्षा सञ्चालन गर्ने गरिएको छ ।

चालू आवमा ३ लाख बजेट विनियोजन गरी कक्षा सञ्चालन व्यवस्था मिलाएको हो । त्यस्तै सहभागीलाई आवश्यक शैक्षिक सामग्री पनि उपलब्ध गराइएको छ ।
गाउँपालिकाले अघिल्लो वर्ष पनि पोखरास्थित सिम्पानीमा यसै प्रकृतिको कक्षा सञ्चालन गरेको थियो । जुन पालिका क्षेत्रभन्दा टाढा र कोरोना भाइरस (कोभिड १९) का कारण प्रभावित बनेको थियो । जसबाट पाठ सिक्दै यसपटक गाउँपालिकाले आफ्नै कार्यालयमा कक्षा सञ्चालन गरिएको हो ।

Related News

सम्बन्धित समाचार

    • आरोही महिला फोटो पत्रकारलाई सम्मान

      Avatar आदर्श समाज सम्वाददाता वैशाख १०, २०७८
      पोखरा । फोटो पत्रकार तथा हिमाल आरोही पूर्णिमा श्रेष्ठलाई पोखराका फोटो पत्रकारले सम्मान गरेका छन् । अन्नपूर्ण प्रथम आरोहण गरेर…
    • कोरोना महामारीः प्रदेश तात्यो, महानगर सुस्त

      धनबहादुर गुरुङ धनबहादुर गुरुङ वैशाख १०, २०७८
      पोखरा । पछिल्लो समय कोरोना संक्रमणको दोस्रो भेरियन्ट दर दिनानुदिन बढ्दै छ । पोखरामा मात्र पनि दैनिक सयको हाराहारीमा संक्रमित…
    • पोखराका सम्पदा : हचुवामै ठेकेदारकाे जिम्मा

      prakash dhakal प्रकाश ढकाल वैशाख १०, २०७८
      पोखरा । पोखरा महानगरपालिकाले नगभित्रका महत्वपूर्ण सम्पदालाई ‘सार्वजनिक निजी साझेदारी’ का नाममा लामो समयका लागि ठेक्का लगाउने तयारी गरेको छ…
    • को बन्ला वर्ष खेलाडी महिला ?

      Bijay Nepal विजय नेपाल वैशाख ९, २०७८
      पोखरा । नेपाल खेलकुद पत्रकार मञ्च गण्डकीको पाँचौ पोखरा स्पार्टस् अवार्ड–२०७६÷७७ को वर्ष उत्कृष्ट खेलाडी (महिला) विधामा ३ खेलाडी मनोयनमा परेका…
    • भीमाद ८ का वडाध्यक्ष बुद्धिमान श्रेष्ठले कुटे सेवाग्राही

      Avatar आदर्श समाज सम्वाददाता वैशाख ९, २०७८
      दमौली। भीमाद नगरपालिका ८ का वडाध्यक्ष बुद्धिमान श्रेष्ठले सेवाग्राहीलाई कुटपिट गरेका छन् । हकवालाको सिफारिस लिन पुगेका सोही वडाका चिरञ्जीवी…

    hero news full width

    sanil ads

    wordlink ads