एकै खेलमा ट्रिपल ह्याट्रिक

आदर्श समाज सम्वाददाता
फागुन १२, २०७७
Football news

पोखरा । देश्ना चन्द स्मृति दोस्रो भेट्रान्स सेभेन ए साइड नयाँगल्ली कपमा बुधबारको खेलमा भ्याली स्पोर्टस्ले पाहुना टोली भिमाद भेट्रान्समाथि सहज जित निकालेको छ ।

पुरानो टुँडिखेलमा भएको खेलमा भिमाद भेट्रान्स माथिमावि हुँदै १४–० गोलअन्तरले पराजित गर्दै क्वाटरफाइनल प्रवेश गर्‍याे ।

भ्यालीको जीतमा विजय गुरुङले ट्रिपल ह्याट्रिक पूरा गरे । त्यस्तै नयाँगल्ली भेट्रान्सले मित्रता एफसीलाई ८–१ गोलको फराकिलो अन्तरले पराजित गर्‍याे  ।
त्यस्तै वालिङ भेट्रान्सलाई २–१ गोलको अन्तरले एलजी एसोसिएसने हरायो ।

अब एलजीले बिहीबार भ्याली स्पोर्टस्सँग भिड्नेछ । गार्डेन एफसीले ४–० को गोल नतिजा सहित विष्णुपादुकालाई पाखा लगाउँदै क्वाटरफाइनल प्रवेश गर्‍याे ।

यसैगरी, बिटी एफसीलाई गोर्खा अल्टिमेट फिटनेसले ३–० गोलअन्तरले पराजित गर्दै अन्तिम ८ मा प्रवेश पायो ।

त्यस्तै अन्तिम खेलमा इन्द्रेणीलाई कालभैरवले ४–१ गोल अन्तरले सहज जित निकाल्यो ।

बिहीबार क्वाटरफाइनलका ६ खेल हुने प्रतियोगिता संयोजक हिटलर घलेले जानकारी दिए ।

Related News

सम्बन्धित समाचार

hero news full width