गजबारले हानेर बाबुको हत्या गरेको आरोपमा छोरा पक्राउ

Avatar आदर्श समाज सम्वाददाता
फागुन ११, २०७७
ramkrishna kami

पोखरा । घरायसी झगडापछि बाबुको हत्या गरेको आरोपमा कास्कीमा एकजना पक्राउ परेका छन् । कास्कीको अन्नपूर्ण गाउँ पालिका ३ पाउँदुरकोट घर भई हाल पोखरा ३२ को महकुना बस्दै आएका ३४ वर्षे रामकृष्ण कामीलाई प्रहरीले मंगलबार पक्राउ गरेको हो ।

उनका बाबु ५८ वर्षे जुमबहादुर कामीको आइतबार राति घरकै भर्‍याङबाट खसेर मृत्यु भएको भन्ने खबर आएपछि प्रहरीले बुझ्ने क्रममा शंका लागेपछि अनुसन्धान थालेको थियो । इलाका प्रहरी कार्यालय डाँडाको नाकको प्रहरी चौकीबाट खटिएको टोलीले छोरा रामकृष्णलाई पक्राउ गरेको हो ।

जिल्ला प्रहरी कार्यालय कास्कीका प्रवक्ता डिएसपी सुवाश हमालका अनुसार घरासयी झगडाका क्रममा रामकृष्णले बाबुबलाई ढोकामा लगाउने आग्लोले (गजबार) हानेका थिए । उनको घटनास्थलमै मृत्यु भएको प्रहरीले जनाएको छ ।
रामकृष्णलाई कर्तव्य ज्यान मुद्दामा म्याद थपेर अनुसन्धान थालिएको प्रहरीले जनाएको छ ।

Related News

सम्बन्धित समाचार

    hero news full width

    sanil ads

    wordlink ads