पोखरा । मातृसेवा प्रतिष्ठान नेपालले कास्कीका विभिन्न ५ पालिकामा करिब ४० लाख बराबरको छात्रवृत्ति वितरण गर्ने भएको छ ।
पाल्पाली समाज पोखराको व्यवस्थापनमा वितरण गरिने सो छात्रवृत्ति पोखरा महानगरपालिका सहित माछापुच्छ्रे, अन्नपूर्ण, मादी र रुपा गाउँपालिकाका गरी ७२ वटामा प्रत्येक वडा समेट्ने गरी वितरण गरिने भएको हो । कर्मभूमि नामक सो छात्रवृत्तिका लागि फागुन ५ सम्म आवेदन दिनुपर्ने समाजका अध्यक्ष कुलप्रसाद घिमिरेले जानकारी दिए ।
उनका अनुसार प्राविधिक विषय पढ्ने प्रतिविद्यार्थीलाई ५० हजार रुपैयाँको छात्रवृत्ति वितरण गरिनेछ । यसरी ७२ वडामा ५० हजार दरले ३६ लाख र जिल्लाका दलित विद्यार्थीका लागि बाँकी ३ लाख छात्रवृत्ति स्वरुप उपलब्ध गराइने छ ।
पूर्व मन्त्री समेत रहेका उद्योगपति हरिप्रसाद पाण्डेले प्रतिष्ठानमार्फत यसअघि पनि विभिन्न नाममा निरन्तर छात्रवृत्ति रकम उपलब्ध गराउँदै आएका छन् ।
यसैबीच, पाल्पाली समाजले कास्कीका विभिन्न पालिकाका प्रमुख तथा अध्यक्षहरुसँग छलफल गरी सुझाव संकलन गरेको छ ।
पोखराका मेयर मानबहादुर जिसी, माछापुच्छ्रे गाउँपालिका अध्यक्ष कर्णबहादुर गुरुङ, अन्नपूर्णका युवराज कुँवर, मादीका वेदबहादुर गुरुङ श्याम र रुपाका नवराज ओझासँग भेट गरी छात्रवृत्तिबारे जानकारी गराउँदै आवश्यक सुझाव संकलन गरेको हो ।
छलफलमा उनीहरुले अन्य समाजको तुलनामा पाल्पाली समाज पोखराले रचनात्मक कार्य गर्दै आएकोमा प्रशंसा गर्दै छात्रवृत्ति कार्यक्रम कर्मभूमि कास्कीमा ल्याएकोमा खुसी व्यक्त गरे । यसबाट गरिब, विपन्न तथा असहायको हित हुने बताए ।
Related News
सम्बन्धित समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
प्रेमील गजलकारको भावपूर्ण बिदाइ
अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
hero news full width
मुख्य समाचार
गण्डकी प्रदेश सभाको अधिवेशन आह्वान
गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१दृष्टिविहीनलाई बाटो देखाउँदै गुगल
वैशाख ४, २०८१प्रकट पगेनी ‘शिव’ को निधन
वैशाख ४, २०८१कामचलाउ मुख्यमन्त्री अधिकारी विश्वासको मत लिने तयारीमा
वैशाख ४, २०८१फेरि बढ्यो पेट्रोल, डिजेल र मट्टितेलको भाउ
वैशाख ३, २०८१