टाइगर कप भलिबल : कसले मार्ला बाजी ?

उपाधिका लागि पुरुषतर्फ गण्डकी र आर्मी, महिलातर्फ सशस्त्र र नेपाल पुलिस भिड्दै

Avatar आदर्श समाज सम्वाददाता
माघ ३०, २०७७
Volleyball Photo 30

टाईगर कप भलिबल अन्तर्गत बिहीबारको खेलमा एपिएफ विरुद्ध बल हान्दै गण्डकी प्रदेशका खेलाडी तस्बिर : राम गुरुङ

पोखरा ।
पोखरा रंगशालामा जारी प्रथम टाइगर कप आमन्त्रण राष्ट्रिय क्लब भलिबल च्याम्पियनसिप अन्तर्गत फाइनल शनिबार हुँदैछ ।

फाइनलमा पुरुषतर्फ गण्डकी प्रदेशले त्रिभुवन आर्मीको सामना गर्नेछ भने महिलातर्फ एपिएफ र नेपाल पुलिसबीच प्रतिस्पर्धा हुनेछ । प्रतियोगिताको चौथो दिन शुक्रबार भएको पहिलो खेलमा गण्डकी प्रदेशले एपीएफलाइ ३–० को सोझो सेटमा हराएर फाइनल प्रवेश गरेको हो । गण्डकीको जितमा २५–२१, २९–२७ र २५–१५ को जित निकालेको हो । गण्डकी प्रतियोगितामा ६ अंकका साथ फाइनल प्रवेश गरेको हो ।

दोस्रो खेलमा त्रिभुवन आर्मी क्लबले नेपाल पुलिस क्लबलाई ३–० को सोझो सेटमा हराएर फाइनलमा गण्डकी प्रदेशसँगको भेट पक्का गरेको हो । आर्मीको जितमा २६–२४, २५–२२ र २५–१४ को नजिता थियो । २ खेल जितेको आर्मी ६ अंक बटुल्दै सेटको आधारमा पहिलो स्थानमा छ ।

महिला तर्फ भने न्यु डायमन्डलाई एपिएफले ३–० को सोझो सेटमा पराजित गरेर नेपाल पुलिससँग प्रतिस्पर्धा गर्ने भएको हो । एपिएफले २५–२१, २५–२१ र २५–२३ को सेटमा न्यु डायमन्डलाई पाखा लगाएको हो । समान ५ अंक भए पनि सेटको आधारमा एपिएफ अघि बढेको हो । यस अघि नै २ खेल जितेको नेपाल पुलिस क्लब ६ अंकसहित फाइनल प्रवेश गरिसकेको छ ।

राउन्ड रोबिन लिगको आधारमा भएको प्रतियोगितामा पुरुषतर्फ आर्मी पहिलो, गण्डकी प्रदेश दोस्रो, पुलिस तेस्रो र एपिएफ चौथो स्थानमा छ । महिलातर्फ नेपाल पुलिस क्लब पहिलो, एपिएफ दोस्रो, न्यु डायमन्ड तेस्रो र आर्मी चौथो स्थानमा छ । तालिकाको पहिलो र दोस्रो स्थानमा हुने टिम प्रतियोगितामा उपाधिका लागि भिड्ने ग्रुपका अध्यक्ष नारायण शर्माले जानकारी दिए ।

प्रतियोगिताको विजेता महिला तथा पुरुषले समान १ लाख ५० रुपैयाँ हजार, ट्रफी, मेडल, प्रमाणपत्र तथा उपविजेताले ७५ हजार र तृतीयले २५ हजार रुपैयाँ पुरस्कार प्राप्त गर्ने टाइगर ग्रुपका महासचिव प्रकाश बरालले जानकारी दिए ।

यसैगरी सर्वोत्कृष्ट महिला तथा पुरुष खेलाडीले समान २०–२० हजार प्राप्त गर्नेछन् । उत्कृष्ट सर्भर, उत्कृष्ट सेटर, उत्कृष्ट ब्लकर, उत्कृष्ट डिफेन्डर तथा स्पाइकर महिला तथा पुरुष खेलाडीले समान रु पाँच हजारका दरले पुरस्कार प्राप्त गर्ने आयोजक संस्थाका अध्यक्ष नारायण शर्माले जानकारी दिएका छन् ।

Related News

सम्बन्धित समाचार

    hero news full width

    sanil ads

    wordlink ads