पोखरा । पर्यटन व्यवसायी महिला संघ नेपाल टेवानको आयोजनामा डिजिटल मार्केटिङ तालिम बिहीबार सुरु भएको छ ।

नेपाल टुरिजम बोर्डका वरिष्ठ निर्देशक काशीराज भण्डारीले प्रविधिसँग खेल्न सक्यो भने व्यवसायमा राम्रोे र फाइदा हुने बताए । उनले परिवेश अनुसार सोसियल मिडियाको प्याल्टफर्म रहेको बताए ।

पोखरा पर्यटन परिषद्का महासचिव रामचन्द्र पौडेलले अहिले जति सिक्यो पछि पक्कै पनि उपलब्धि हुने र सहयोग पुग्ने बताए ।
पोखरा ६ का वडाध्यक्ष जगतबहादुर पहारीले वडाको तर्फबाट आवश्यक सहयोग गर्ने प्रतिबद्धता व्यक्त गरे ।

संस्थाका संस्थापक अध्यक्ष तथा सल्लाहकार लक्की कार्की क्षेत्रीले सोसियल मिडिया सही प्रयोगमात्र मार्केटिङ व्यवसाय अघि बढ्ने बताइन् ।
संस्थाका अध्यक्ष कमला गिरीको अध्यक्षतामा भएको कार्यक्रममा स्वागत संस्थाका सदस्य तथा कार्यक्रम संयोजक अनिता खड्का भट्टराई र सञ्चालन महासचिव शोभा पाण्डेले गरेकी थिइन् ।

नेपाल पर्यटन बोर्डका सहयोगमा भएको तालिम २ दिनसम्म चल्नेछ । तालिममा ७० जनाको सहभागिता रहेको छ ।
तालिम प्रशिक्षक उज्वल पौडेल छन् ।