सफल पोखरा म्याराथन: फागुन १ मा दाैडिन्छ पाेखरा

आदर्श समाज सम्वाददाता
माघ २९, २०७७
Pokhara Marathan Photo

पोखरा। भूतपूर्व खेलाडी मञ्च नेपालको आयोजनामा फागुन १ मा १५ औं सफल पोखरा अन्तर्राष्ट्रिय म्याराथन हुँदैछ । सोको आवश्यक तयारी पूरा भएको आयोजकले बिहीबार पत्रकार सम्मेलन गरी जनायो ।

मञ्च अध्यक्ष तेज गुरुङले विश्वमा विभिन्न मुलुकमा सिटी म्याराथनको अवधारणको विकास भइरहेको र त्यसका माध्यमबाट पोखरालाई पनि खेलकुदको विश्व मानचित्रमा स्थापित गराई खेलकुद पर्यटन प्रवद्र्धन गर्ने उद्देश्यसाथ कोभिडको प्रभावबीच पनि निरन्तरता दिइएको बताए ।

मुलुकको खेलकुद विकासमा सहयोग पु¥याउने र खेलकुदको महत्वबारे जनचेतना अभिवृद्धि गराई समग्र समाजमा खेल संस्कृति विकास गर्ने मञ्चको उद्देश्य रहेको उनले प्रष्ट पारे ।
प्रतियोगिताका लागि विभिन्न देशमा रहेका नेपालका विभिन्न संघसंस्थाहरुमध्ये पोखरेली मञ्च युके, सहारा युके, हङकङ नेपाली समाज, अमेरिकास्थित बोस्टनमा बसोबास गर्नेहरुले सहयोग गरेको उनले बताए ।

यसपालिको प्रतियोगिता विभिन्न मितिमा चरणबद्ध हुनेछ । पहिलो दिन शनिबार म्याराथन (४२.१९५ किमी) सहित यसपालि समेटिएको हाफ म्याराथन (२१ किमी) हुनेछ ।

त्यस्तै, महिला र पुरुषको ह्वीलचियर दौड फागुन २२ मा, १० किमी दौड चैत १४ मा र ५ किमीको दौड बैशाख ४ मा हुनेछ । १० किमी र ५ किमी दौडमा महिला पुरुष दुवै सहभागी हुन पाउने छन् ।

म्याराथनमा पोखरा महानगरका वडा १ देखि १७ सम्मका वडा समेटिएको रुट तय गरिएको छ । रुट पर्ने चोकहरुमा स्थानीय संघ–संस्था, आमा समूह र सांस्कृतिक समूहले आ–आफ्नो भेषभूषा, पञ्चेबाजा, भजन चुड्कासहित धावकलाई स्वागत गर्ने कार्यक्रम छ ।

धावक दौडने रुटमा अतिआवश्यक बाहेक अन्य सार्वजनिक र निजी यातायात सेवा सञ्चालन रोक्ने प्रतिबद्धता यातायात व्यवसायले गरेका छन् ।

म्याराथनका विजेताले २ लाख, दोस्रोले १ लाख र तेस्रोले ७५ हजार रुपैयाँ प्राप्त गर्नेछन् । सान्त्वनालाई २५ हजार प्रदान गरिनेछ ।

महिलामात्र धावक रहने हाफ म्याराथन विजेताले १ लाख, दोस्रोले ७५ हजार, तेस्रोले ५० हजार र सान्त्वताले १५ हजार पाउने छन् ।

आयोजकले प्रतियोगिता सञ्चालन गर्न कुल ५० लाख रुपैयाँ बढी खर्च हुने अनुमान गरेको छ ।

प्रतियोगिताको मुख्य प्रायोजक सुजल डेरीको उत्पादन सफल दूध हो ।

Related News

सम्बन्धित समाचार

    • प्रदेश नीति तथा योजना आयोगमा तनहुुँका काफ्ले

      आदर्श समाज सम्वाददाता असार ६, २०७८
      पोखरा । गण्डकी प्रदेशको नीति तथा योजना आयोगमा तनहुँका डा. रघुराज काफ्ले नियुक्त भएका छन् । मुख्यमन्त्री कृष्णचन्द्र नेपाली पोखरेलले…
    • संक्रमित घटेसँगै परीक्षणमा कमी

      धनबहादुर गुरुङ असार ६, २०७८
      पोखरा । प्रदेश जनस्वास्थ्य प्रयोगशाला पोखराकी निमित्त निर्देशक सपना सुवेदीलाई २ साता अघिसम्म स्वाब परीक्षण गर्न भ्याइनभ्याइ थियो । तारन्तार…
    • सत्ता सहमतिमा मन्त्री नै वाधक !

      आदर्श समाज सम्वाददाता असार ६, २०७८
      पोखरा । नेपाली कांग्रेसका कृष्णचन्द्र नेपाली पोखरेलको नेतृत्वमा जेठ २९ मा बनेको सरकारले नीति तथा कार्यक्रम र बजेट ल्याइसकेको छ…
    • निगालोको चोया, जिउने सहारा

      धनबहादुर गुरुङ असार ६, २०७८
      पोखरा । छेवैमा ह्वील चियर विश्राम दिएर चेतबहादुर गुरुङ स्याँखु बुन्दैछन् । गत सातादेखि सुरु गरेको काम सक्नै आँटेका छन्…
    • संविधान जोगाउने दायित्व कांग्रेसमाथि : मुख्यमन्त्री पोखरेल

      आदर्श समाज सम्वाददाता असार ५, २०७८
      पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले संविधानमाथि अहिले खतरा उत्पन्न भएको भन्दै यसको रक्षाको दायित्व नेपाली कांग्रेसमा आएको…

    hero news full width

    sanil ads

    wordlink ads

    trending post

    ट्रेन्डिङ्ग