पोखरा । आहा रारा गोल्ड कप फुटबलको १९ औं संस्करणको सफल पार्न ५ सय १ सदस्यीय मुल आयोजक समिति गठन भएको छ । सहारा क्लबका कार्यसमिति, मानार्थ सदस्य र सल्लाहकारहरुको संयुक्त बैठकले क्लब अध्यक्ष केशवबहादुर थापाको अध्यक्षतामा मुल आयोजक समिति गठन भएको महासचिव रामजीप्रसाद अधिकारीले बताए ।

क्लवका निर्वतमान अध्यक्ष वीरभद्र आचार्यको अध्यक्षतामा १ सय १ सदस्यीय सल्लाहकार समिति गठन भएको छ ।

१९ औं संस्करणको आहारारा गोल्ड कप फुटबल प्रतियोगिताको संयोजकमा क्लबका वरिष्ठ उपाध्यक्ष हरिराम गुरुङ (सुरज) चयन भएका छन् ।

प्रतियोगितालाई सफल पार्न १६ वटा उपसमिति गठन भएको छ ।

पोखरामा चैत १७ गते देखि १९ औं संस्करणको मोफसलको बहुप्रतिष्ठित राष्ट्रिय तथा अन्तराष्ट्रिय अन्तर क्लब स्तरिय आमन्त्रित आहा रारा गोल्ड कप फुटबल प्रतियोगिता हुने भएको हो ।