निर्वाचनका लागि सात अर्ब 

रासस
माघ २७, २०७७
RS_KTM_ministeroffinance20210209__D3A6907

अर्थमन्त्रालयमा मङ्गलबार आयोजित पत्रकार सम्मेलनमा सञ्चारकर्मीहरुले राखेका जिज्ञासाको जवाफ दिंदै अर्थमन्त्री विष्णु पौडेल । तस्वीरः रत्न श्रेष्ठ, रासस

काठमाडौँ, २७ माघ । सरकारले आगामी वैशाख १७ र २७ गते निर्वाचनका लागि पहिलो चरणमा रु सात अर्ब बराबरको बजेट उपलब्ध गराएको छ । अर्थमन्त्रालयमा आज आयोजित पत्रकार सम्मेलनमा अर्थमन्त्री विष्णुप्रसाद पौडेलले निर्वाचन आयोगलाई पहिलो चरणमा रु सात अर्ब बराबरको स्रोत उपलब्ध गराएको जानकारी दिए।

अर्थमन्त्री पौडेलले खर्च नहुने विभिन्न क्षेत्र तथा आयोजनाको रकम निर्वाचनमा खर्च गर्ने गरी बजेट निर्धारण गरिएको बताए। उनले निर्वाचनमा हुने खर्चलाई मितव्ययी बनाउने समेत जानकारी दिए।

आजै निर्वाचन आयोग पुगेर प्रधानमन्त्री केपी शर्मा ओली, उपप्रधानमन्त्री ईश्वर पोखरेल र अर्थमन्त्री पौडेलले निर्वाचनको तयारीबारे छलफल गरेका थिए। अर्थ मन्त्रालयमा आयोजित पत्रकार सम्मेलनमा अर्थमन्त्री पौडेलले आयोगसँग छलफल भएको जानकारी दिए। पत्रकार सम्मेलनमा अर्थमन्त्रीले अमेरिकी सहयोग परियोजना मिलेनियम च्यालेन्ज कर्पोरेशनअन्तर्गत परियोजनासम्बन्धी संसद बाट हुनुपर्ने अनुमोदन नयाँ संसद् गठन भएपछि हुने बताए।

सो अवसरमा अर्थसचिव शिशिरकुमार ढुङ्गानाले सो परियोजनाका लागि स्रोत सुनिश्चित गरिएको बताए। उनले प्रसारण लाइन र सडक परियोजनाका लागि आवश्यक पर्ने जग्गा प्राप्तिको काम अगाडि बढाउन उक्त स्रोतबाट खर्च गरिने जानकारी दिए। प्रसारण लाइनतर्फ नुवाकोटको रातमाटेमा जग्गा प्राप्तिको काम अगाडि बढेको छ ।

Related News

सम्बन्धित समाचार

  • गठबन्धन निरन्तर

    रासस मंसिर १९, २०७९
    काठमाडौं ।  पाँचदलीय सत्ता गठबन्धनले प्रतिनिधिसभा र प्रदेशसभा सदस्यको निर्वाचनको नतिजाले गठबन्धनको आवश्यकता र सान्दर्भिकतालाई पुनः पुष्टि गरेको निष्कर्ष निकालेको…
  • दीपक मनाङे एकीकृत समाजवादीमा प्रवेश

    आदर्श समाज सम्वाददाता मंसिर १९, २०७९
    पोखरा, १९ मंसिर । गण्डकी प्रदेशका युवा तथा खेलकुद मन्त्री दीपक मनाङे (राजीव गुरुङ) नेकपा (एकीकृत समाजवादी) मा प्रवेश गरेका…
  • प्रत्यक्षतर्फ प्रदेशसभा : कांग्रेस १११ स्थानसहित पहिलो

    रासस मंसिर १९, २०७९
    काठमाडौं । सातवटै प्रदेशसभाको तीन सय ३० निर्वाचन क्षेत्रको प्रत्यक्षतर्फको परिणाम सार्वजनिक भएको छ । प्रदेशसभाको प्रत्यक्षतर्फ नेपाली कांग्रेस चार…
  • प्रत्यक्षतर्फको मतगणना सकियो, कांग्रेसलाई ५७, एमालेलाई ४४ सिट

    आदर्श समाज सम्वाददाता मंसिर १९, २०७९
    पोखरा । प्रतिनिधिसभा प्रत्यक्षतर्फको मतगणना सकिएको छ। सोमबार बिहान दोलखामा नेकपा माओवादी केन्द्र विजयी भएसँगै मतगणना सकिएको हो। प्रत्यक्षतर्फ प्रतिनिधिसभा सदस्यका…
  • छोरी जन्मिए बैंक खातामा ५ हजार

    आदर्श समाज सम्वाददाता मंसिर १९, २०७९
    नवलपुर । नवलपुरको हुप्सेकोट गाउँपालिकाले छोरी जन्मिए ५ हजार नगद सहितको बैंक खाता उपहार दिन थालेको छ । गाउँपालिकाले ‘हाम्रो…

hero news full width