पोखरा । जीर्ण भइसकेको बाँध मर्मत गर्न फेवातालको पानी सुकाइएको छ । ४२ वर्षअघि बनाइएको बाँध जीर्ण बनेपछि त्यसको मर्मत गर्न लागिएको हो । अहिले तालमा पानीको सतह २ मिटर घटाउने तयारी छ । २०१८ सालमा बाँधिएको बाँध फुटेपछि २०३५ सालमा नयाँ बाँध बनाइएको थियो । सुरुको ४६ फिट अग्लो बाँध भारतीय सहयोग मिसनले बनाइदिएको हो भने पछि संयुक्त राष्ट्र संघको सहयोगमा पुनर्निर्माण गरिएको थियो ।
जलस्रोत तथा सिँचाइ विकास डिभिजन कार्यालयले बाँध निर्माणका लागि २ करोड विनियोजन गरेको छ । १ करोड रुपैयाँ बाँध बनाउन र अर्को १ करोड नहरका लागि छुट्याइएको कार्यालय प्रमुख किरण आचार्यले जानकारी दिए । ‘पहिलो चरणमा बाँध खोलेर छोडेका छौं । आइतबारसम्म हेर्छौं,’ उनले भने, ‘पुगेन भने थप बाँध खोल्छौं ।’ २ महिनाभित्र बाँध र नहरको काम सक्ने उनको भनाई छ । त्यसपछि फेरि बाँध बन्द गरेर पुरानै अवस्थामा ताललाई फर्काउने योजना छ । बाँधको उचाइ भने बढाउने योजना छैन ।
पहिले बाँध फुटेकै समयमा तालभित्रको जग्गा व्यक्तिले तत्कालीन समयमा आफ्नो नाममा पारेको आरोप छ । त्यहि जग्गाको दर्ता खारेज गरी तालको आकार बढाउन सरकारले फेवाताल सीमांकन तथा नक्सांकनका लागि उच्चस्तरीय समिति गठन गरेको छ । समितिले केहि समयभित्रै तालको सीमाना तोकिएको प्रतिवेदन सार्वजनिक गर्ने जनाएको छ ।
तालको सीमाना खोजी भइरहेको अवस्थामा पानी घटाउन लागिएको हो । समितिका अध्यक्ष पुण्य पौडेलले चाहिँ आवश्यक सबै विवरण जुटाइसकेकोले पानी घटाउदाँ कुनै समस्या नपर्ने बताए ।
‘ताल घटाएर सिमाना तोक्न समस्या छैन । हामीले आवश्यक विवरण संकलन गरिसकेका छौं,’ उनले भने, ‘अबको एक डेढ हप्ताभित्रै प्रतिवेदन सार्वजनिक हुन्छ । उहाँहरुको कामसँग हाम्रो सम्बन्ध छैन ।’ पानी घटाउँदा आफूलाई नसोधिएको उनले बताए । ‘अध्ययन भइरहेको छ । पानी घटाउँदा सोध्नुपथ्र्यो,’ उनी भन्छन्, ‘बर्खामा काम गर्न गाह्रो हुन्छ भनेर अहिले नै घटाउनुभएछ । हामीले केही बोलेनौं ।’
Related News
सम्बन्धित समाचार
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
हेमराज पहारी स्मृति पुरस्कारबाट सरुभक्त पुरस्कृत
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१