विश्व हिन्दू महासंघ महिला नगर समितिमा दुर्गादेवी बास्ताेला

आदर्श समाज सम्वाददाता
माघ २३, २०७७
durga bastola (1)

पोखरा । विश्व हिन्दू महासंघ पोखरा महिला नगर समिति अध्यक्षमा आदर्श समाज दैनिकका व्यवस्थापक दुर्गादेवी बास्तोला चयन भएकी छन् ।

कार्यसमिति वरिष्ठ उपाध्यक्ष मञ्जु बिक, उपाध्यक्ष मथुरा गिरी, माया भण्डारी केसी, महासचिव सपना गिरी, सचिव दीपा पौडेल, मैयाँकुमारी भूर्तेल र कोषाध्यक्ष पुष्पा गिरी रहेका छन् ।

साथै समितिमा ३३ सदस्यीय नगर महिला समिति गठन भएको छ ।

केदारेश्वर महादेवमणि सेवाश्रम समितिका पीठाधीश डा. लेखनाथ आचार्यले हिन्दू राष्ट्र निर्माणमा मातृशक्तिको आवश्यकतामा जोड दिए । उनले घर, समाज र राष्ट्र निर्माणमा मातृशक्तिबाट धार्मिक संस्कार र संस्कृतिको शिक्षा अनिवार्य हुनुपर्नेमा जोड दिए ।

विश्व हिन्दू महासंघ केन्द्रीय वरिष्ठ उपाध्यक्ष शंकर खरालले हिन्दू राष्ट्र निर्माणको लागि मेची–महाकाली अभियान सुरु गरिने जानकारी दिए ।

सो कार्यक्रममा महासंघ कास्की अध्यक्ष पार्वता पौडेल, ओमकार सन्देशका प्रधानसम्पादक भीमलाल लामिछाने, पोखरा लेडी जेसीजका पूर्व अध्यक्ष सपना गिरी लगायतले शुभकामना मन्तव्य व्यक्त गरेका थिए ।

कार्यक्रममा महासचिव माया भण्डारी केसीले प्रगति प्रतिवेदन र आर्थिक प्रतिवेदन कोषाध्यक्ष कृष्णकुमारी थापाले प्रस्तुत गरेका थिए ।

सो अवसरमा महासंघको वरिष्ठ उपाध्यक्षमा निर्वाचित शंकर खराललाई सम्मान गरिएको थियो ।

Related News

सम्बन्धित समाचार

hero news full width