कान्तिपुर डेन्टलको वार्षिकोत्सवमा शिविर

Avatar आदर्श समाज सम्वाददाता
माघ २३, २०७७
news kantipur

पोखरा। कान्तिपुर इन्ष्टिच्युट अफ हेल्थ साइन्सेसले २१ औं वार्षिकोत्सव तथा पोखरास्थित कान्तिपुर डेन्टल हस्पिटलले १७ औं वार्षिकोत्सव मनाएको छ ।

सो अवसरमा पोखरामा माघ १८ देखि २३ सम्म मुख तथा दन्त स्वास्थ्य सेवासम्बन्धी निःशुल्क दन्त शिविर आयोजना गरिएको छ । वार्षिकोत्सव समारोहको उद्घाटन गर्दै संस्थाका संस्थापक अध्यक्ष डा. बुद्धिमान श्रेष्ठले अस्पताल तथा इन्ष्टिच्युटको अहिलेसम्मको कार्य तथा प्रगतिप्रति सन्तुष्टि रहेको जनाए ।

संथाका पब्लिक हेल्थ अफिसर शर्मिला शर्माले दन्त स्वास्थ्यलाई सर्वसुलभ रुपले सशुल्क, निशुल्क र विशेष छुटमा सेवा दिँदै आएको जानकारी दिइन् । उनले ज्येष्ठ नागरिक अति विपन्न परिवार अपांगता भएका व्यक्ति र पत्रकारलाई पनि विशेष छुटको व्यवस्था गरेको जनाइन् ।

प्रशासन प्रमुख सीता श्रेष्ठका अनुसार अस्पतालबाट हालसम्म करिब ३ हजार निशुल्क दन्त शिविर सञ्चालन गरिएको र जसमध्ये २५ लाख जनाले सेवा लिएका छन् । यस्तै, करिब ११ लाख जनाले अस्पतालभित्र ओपिडी सेवा तथा परामर्श लिएको जनाइएको छ ।

कार्यक्रममा अस्पतालका म्यानेजर वृष्टि गुरुङ श्रेष्ठ, प्रशासनिक सहायक सुशीला गुरुङले बोलेका थिए ।

कान्तिपुर इन्स्टिच्युट अफ हेल्थ साइन्सेसले २०६२ सालदेखि डेन्टल हाइजिन तथा २ वर्षदेखि डिप्लोमा इन फार्मेसी, मेडिकल ल्याब टेक्नोलोजी तथा डायग्नोस्टिक रेडियोग्राफी शिक्षा प्रदान गर्दै आएको छ ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग