लेखनाथ । संगत अनुसारको फल बिउ गुनाको बालो भन्ने प्रचलित उखानलाई ध्यानमा राख्दै कास्कीको लेखनाथमा बिउ उत्पादनका लागि आलु खेती गरिएको छ ।
मेहनत पनि गर्ने तर भने अनुसारको उत्पादन लिन नसक्दा पछि परेको हाम्रो कृषि प्रणालीलाई समयानुकुल परिवर्तन गर्न यो पहल थालिएको हो । आधुनिक तरिकाले गुणस्तरीय बिउ उत्पादनका लागि कृषि ज्ञान केन्द्र स्याङ्जा र कास्कीको ९० प्रतिशत अनुदानमा लेखनाथ सामुदायिक बचत तथा ऋण सहकारी सस्थाको अग्रसर र प्रधानमन्त्रि कृषि आधुनिकीकरण परियोजना पोखराको अग्रसरतामा बिउ आलु उत्पादनलाई अगाडि बढाइएको हो ।
वर्षाैंदेखि एकै प्रकारको आलु लगाउदा किसानको उत्पादनमा क्रमश कमी हुँदै जाने भएकाले पहिलो पुस्ताको बिउ आलु उत्पादनका लागि पोखरा ३१ को गोरखनाथ मार्गको १० रोपनी, शिशुवा र तालचोक गरी करिव ३० रोपनी जग्गामा यो वर्ष करिव ७ सय किलो आलु लगाइएको हो ।
आलुको बिउ धेरै पुस्ता भएपछि उत्पादनमा पनि कमी आउँछ । यसैका लागि नयाँ बिउ चाहिन्छ । परियोजना अन्तरगत यी ठाउँमा लगाएका एमएस –४२ पहिलो पुस्ता, एमएस –४२ टिस्यु कल्चर(दान बिउ) र कार्डोनल दोस्रो पुस्ताको आलुबाट करिब २०÷२१ टन आलु फल्ने आशा गरिएको परियोजना प्रमुख कृष्णप्रसाद तिवारी आशावादी छन् ।
धेरै पुस्ता भएको बिउमा उत्पादन क्षमतादेखि रोग प्रतिरोधात्मक क्षमता पनि कम हुने भएकोले आम किसानहरुलाई गुणस्तरीय बिउ उपलब्ध गराउने उद्देश्यले अगाडि सारिएको बिउ आलु उत्पादनमा करिब ४ लाख खर्च भएको छ ।
यो क्षेत्रबाट उत्पादन भएको बिउलाई सही तरिकाले उपचारका विधि अपनाएर कोल्ड स्टोरमा राख्ने, आउने साल आलुको सिजनमा किसानहरुलाई उपलब्ध गराउने योजना रहेको परियोजना प्रमुख तिवारीले जानकारी दिए ।
Related News
सम्बन्धित समाचार
फेदीखोलाको सर्केटारीमा प्रथम आलु प्रदर्शनी
रैथाने बाली संरक्षण गर्दै कृषि ज्ञान केन्द्र
विदेश पलायन रोक्न वालिङ नगरपालिकाले दियो दूधमा अनुदान
जलवायु परिवर्तनले कृषिमा असर
कृषि क्षेत्रमा पोखरा महानगरको फड्को, किसानलाई समर्थन मूल्यवापत २७ लाख हस्तान्तरण
hero news full width
मुख्य समाचार
सुरु भयो एसइई, ५ लाख ४ हजार ४ सय १४ विद्यार्थी सामेल
बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०एमाले कास्की अध्यक्षमा बैनबहादुर विजयी
चैत्र १४, २०८०तनहुँ र चितवनलाई जोड्ने ठिमुरामा पक्की पुल
चैत्र १४, २०८०बाँदरसँग आजित किसानले गुहारे कानुन मन्त्री, भन्छन् : बाँदर मार्ने कानुन बनाइदेउ
चैत्र १४, २०८०