कोरोनाको खोप पोखरा बृद्धाश्रममा

आदर्श समाज सम्वाददाता
माघ २१, २०७७
Vaccine 2

पोखरा । विश्वव्यापी स्वास्थ्य आतंक मच्चाइरहेको कोबिड १९ खोप पोखरा बृद्धाश्रममा लगाइएको छ । नेपाल सरकारले कोरोनाको जोखिमलाई न्यूनीकरण गर्ने उद्देश्यले प्राथमिकताका आधारमा पहिलो चरण स्वास्थ्य सेवामा कार्यरत चिकित्सक, स्वास्थ्य कर्मी, सुरक्षकर्मी र ज्येष्ठ नागरिक आश्रमहरुलाई तोकेकोले बुधबार पोखरा बृद्धाश्रममा खोप लगाइएको जनस्वास्थ्य कार्यालयका कार्यालय प्रमुख बाबुराम आचार्यले बताए ।

ज्येष्ठ नागरिकहरुको स्वास्थ्य रक्षाका लागि प्राथमिकतामा राखेर खोप लगाइएकोमा खुशी व्यक्त गर्दै राष्ट्रिय ज्येष्ठ नागरिक महासंघका केन्द्रीय सदस्य तथा पोखरा बृद्धाश्रमका अध्यक्ष कुसुमकेशव पराजुलीले खोपको प्रभावकारिता बारे हेर्नुपर्ने राय व्यक्त गरे । पोखरा बृद्धाश्रममा रहेका ज्येष्ठ नागरिक आमाबुवाहरुका अतिरिक्त आश्रममा कार्यरत स्वास्थ्यकर्मी, स्याहारकर्ता, सेवकसेविका, स्वयमसेवीसहित ४० जनाले खोप सेवा लिएको जानकारी आश्रमका स्वास्थ्य सहायक कुमारी कुमालले जनाएकी छन् ।

Related News

सम्बन्धित समाचार

hero news full width