स्कुले विद्यार्थीको सामूहिक कला प्रदर्शनी

Avatar आदर्श समाज सम्वाददाता
माघ २०, २०७७
art exhibition (3)

पोखरा । आफ्नै छोराछोरीले बनाएको चित्रकला अभिभावकले अवलोकन गरेर पोखरामा सामूहिक कला प्रदर्शनीको उद्घाटन गरे । कोरोनाको विश्वव्यापी महामारीले आक्रान्त समयमा ‘विश्वका लागि प्रार्थना’ गरौं भन्ने सन्देश दिन विद्यार्थीले एक्रेलिक, क्रेपर्स र पानी रङको माध्यमबाट आफ्ना अभिव्यक्ति दिएका छन् ।

अन्नपूर्ण गाउँपालिकास्थित भूमे आधारभूत विद्यालय, विरेठाँटी माध्यमिक विद्यालय, भगवती माध्यमिक विद्यालय र पोखराको जनप्रिय माध्यमिक विद्यालयमा अध्ययनरत १८ जना विद्यार्थीका ३६ ओटा चित्रकला प्रदर्शनीमा राखिएको छ ।

कक्षा ७ देखि १२ सम्मका आइतसुबा विक, अलिशा तामाङ, अनमोल पुन, अन्तिम रत्न, विनी राई, विशाल चपार्इं, मनिका तामाङ, नविन परियार, प्रदीप आचार्य, रोशनी परियार, शोभा परियार, सविता परियार, सुमिना आले, सागर विक, सुमिता परियार, सलिना परियार, सपना पुन र उषा सुवेदीले पुनहिलदेखि लुम्बिनीसम्म पुगेर कला बनाएका थिए ।

पोखरा खहरेस्थित जिरो ग्यालरी क्याफे, कोरियन नेपाली रेस्टुरेन्टमा बिहान १० बजेदेखि माघ २४ गते शनिबारसम्म प्रदर्शनी रहने छ । आयोजक राधा जुङ र विकास घले गुरुङले विद्यार्थीका सन्देश मुलक चित्रकला प्रदर्शनी गर्दा अरूलाई पनि प्रेरणा मिल्ने बताए ।

अन्नपूर्ण ड्रोइङ ड्रिम टिमका ७४ वर्षे कला शिक्षक कु ह्युन किमले कोरोनाकालीन समयमा विद्यार्थीले बनाएका चित्र पोखरामा प्रदर्शन गर्न पाउँदा आफ्नो सपना साकार भएको बताए । सहज अवस्था भएपछि कोरियामा प्रदर्शन गर्ने योजना रहेको किमले जानकारी दिए । भिजिट भिसामा नेपाल आउँदै नेपाली कलाको प्रवद्र्धनका निम्ति लागि परेका उनी कोरियाका प्रसिद्ध लेखक र कलाकार हुन् ।

किमले यसअघि सन् २०१७ मा सिओलको लमेर आर्ट ग्यालरीमा १२ जना विद्यार्थीका १ सय २० वटा कला १० दिनसम्म प्रदर्शन गरे । विद्यार्थीलाई कोरियामा लगेर उनले नेपाली सांस्कृतिक कार्यक्रम पनि गरेका थिए । अभिभावकलाई माउ बाख्रा, जाडोमा विद्यार्थीलाई न्यानो कपडा, विद्यालय पोसाक र शैक्षिक सामग्री वितरणमा बर्सेनि सघाउँदै आएका किमले भिजिट भिसामै समाज सेवा गरेका छन् ।

भूमे आधारभूत विद्यालयका प्रधानाध्यापक तेज शर्माले भने ‘किमको कदम सह्रानीय छ ।’ सुदामेमा उनले अन्नपूर्ण आर्ट ग्यालरी स्थापना गरेका छन् । गाउँका विपन्न विद्यार्थीलाई चित्रकलाको प्रशिक्षण दिएर प्रतिभा प्रस्फुटन गराएका छन् ।

परिचय डट कमका सञ्चालक सोवित बस्यालले कोरोनाकालीन नवसमान्य अवस्थामा पोखराको पर्यटन र पेन्टिङको प्रमोसन गर्न कला प्रदर्शनीलाई प्रवद्र्धन गरेको बताए ।

Related News

सम्बन्धित समाचार

    • गण्डकी प्रज्ञा प्रतिष्ठानका पदाधिकारीले लिए सपथ

      Avatar आदर्श समाज सम्वाददाता वैशाख २१, २०७८
      पोखरा । गण्डकी प्रज्ञा प्रतिष्ठान कुलपतिसहित प्राज्ञ सभा सदस्यले सोमबार सपथ लिएका छन् । कुलपति सूर्य खड्का बिखर्चीले मुख्यमन्त्री एवं…
    • गण्डकी प्रज्ञा प्रतिष्ठानमा सूर्य खड्का बिखर्ची

      Avatar आदर्श समाज सम्वाददाता वैशाख १९, २०७८
      पोखरा । गण्डकी प्रज्ञा प्रतिष्ठान कुलपतिमा साहित्यकार सूर्य खड्का विखर्ची नियुक्त भएका छन् । गण्डकी प्रदेशका भाषा, साहित्य, लोकसाहित्य, संस्कृति,…
    • समता काव्य सन्ध्याको ३३५ औं शृंखला

      Avatar आदर्श समाज सम्वाददाता वैशाख ४, २०७८
      पोखरा। पोखरेली युवा सांस्कृतिक परिवार (पोयुसांप) ले सञ्चालन गर्दै आएको समता काव्य सन्ध्याको ३३५ औं शृंखला शनिबार भएको छ ।…
    • प्रवीण स्मृति कार्यक्रममा श्रष्टा सम्मान

      Avatar आदर्श समाज सम्वाददाता चैत्र २०, २०७७
      हेमजा । अन्नपूर्ण गाउँपालिकामा शुक्रबार स्रष्टा सम्मान गरिएको छ । लोक गायक प्रवीण गुरुङको स्मृतिमा लुम्लेमा जारी कार्यक्रममा बाटुलेचौर निवासी…
    • पर्यटन काव्ययात्राको ९ बुँदे घोषणापत्र

      Avatar आदर्श समाज सम्वाददाता चैत्र १५, २०७७
      लमजुङ । लमजुङमा आयोजित साहित्यका लागि पर्यटन काव्ययात्रा ९ बुँदे घोषणापत्र जारी गर्दै सकिएको छ । घोषणापत्रमा राष्ट्रकवि माधव घिमिरे, डा…

    hero news full width

    sanil ads

    wordlink ads

    trending post

    ट्रेन्डिङ्ग