पोखरा। आयुष–अनुदीपको आयोजनामा भएको प्रथम एमेच्युअर मिजास फुटसल प्रतियोगिताको उपाधि टिम स्पोर्टस् क्यासलले जितेको छ ।

सिमपानी एफसीलाई २–० गोलअन्तरले पराजित गर्दै होम ग्राउन्डमा क्यासलले उपाधि जितेको हो । जितमा प्रशन्न श्रेष्ठ र रोशन लिम्बुले गोलको योगदान दिए ।

विजेताले शिल्ड, मेडलसहित २० हजार तथा उपविजेताले शिल्ड, मेडलसहित १० हजार पुरस्कार पाए ।

३८ टिमको सहभागिता रहेको सो प्रतियोगिताबाट क्यासलका प्रशन्न श्रेष्ठ सर्वाेत्कृष्ट खेलाडी बने भने सिमपानी एफसीका गोलरक्षक विपीन भण्डारी उत्कृष्ट गोलरक्षक घोषित भए ।

यस्तै, माघ २४ मा स्पोर्टस् क्यासलले उदीयमान खेलाडी लक्षित गरी प्रथम एमेच्युअर क्यासल कप फाइभ ए साइड फुटसल प्रतियोगिता गर्ने जनाएको छ ।