स्वतन्त्र पत्रकार संघको महाधिवेशन विराटनगरमा गर्न माग

Avatar आदर्श समाज सम्वाददाता
माघ १९, २०७७
journalist

विराटनगर । स्वतन्त्र पत्रकार संघ नेपालको चौथो राष्ट्रिय महाधिवेशन विराटनगरमा आयोजना गर्न पत्रकारले माग गरेका छन् । विराटनगरमा शनिबार संघका केन्द्रीय प्रतिनिधिसहित उपस्थित भेलामा उक्त माग गरिएको हो ।

स्वतन्त्र पत्रकार संघ नेपाल मोरङ शाखाका अध्यक्ष विजय खतिवडाले देशलाई ६÷६ वटा प्रधानमन्त्री दिन सफल मोरङ जिल्लामा हुने भेलाले स्वतन्त्र पत्रकार संघलाई राष्ट्रव्यापी बनाउन सहयोग पुग्ने दाबी गरे ।

संघका केन्द्रीय सल्लाहकार मोहन भण्डारीले स्वतन्त्र पत्रकारलाई विराटनगरमा सबैको सहयोग हुने उल्लेख गर्दै संघलाई अवसर रहेको बताए । भेलामा संस्थापक अध्यक्ष कृष्णप्रसाद बास्तोलाले स्वतन्त्र पत्रकार संघले कुनै पनि राजनीतिक पार्टीप्रति पूर्वाग्रह नराखेको र सबैप्रति समान व्यवहार गर्दै आएकोले नै राजनीतिक पार्टीहरुले स्वतन्त्र पत्रकारप्रति सकारात्मक दृष्टिकोण राख्दै आएको बताए ।

संघका पूर्व महासचिव नवराज पहाडीले स्वतन्त्र पत्रकारले सत्य तथ्यपूर्ण समाचार दिएर नै सबैको मन जित्न सकिने धारणा राखे । भेलामा संस्थापक सल्लाहकार माधव वियोगी, मोरङ शाखाका उपाध्यक्ष जितेन्द्र साह लगायतले स्वतन्त्र हुन नसक्दा नै गलत समाचार आउने गरेको बताउँदै पत्रकारहरु स्वतन्त्र हुनुपर्नेमा जोड दिए । कार्यक्रममा स्वागत मन्तव्य राख्दै छन्दवाटिका विराटनगरका अध्यक्ष साहित्यकार हरि कट्टेलले विराटनगरको आँगनीमा स्वतन्त्र पत्रकारको भेला देख्न पाउनु विराटनगरवासीको सौभाग्य रहेको बताए ।

Related News

सम्बन्धित समाचार

    hero news full width

    sanil ads

    wordlink ads

    Recent Posts

    भर्खरै

    trending post

    ट्रेन्डिङ्ग