पुरानोधारा सहकारीमा कृष्णप्रसाद काेइराला

Avatar आदर्श समाज सम्वाददाता
माघ १८, २०७७
purano dhara

पोखरा । पुरानोधारा वचत तथा ऋण सहकारी संस्थाको अध्यक्षमा दोस्रो कार्यकालका लागि कृष्णप्रसाद कोइराला सर्वसम्मत निर्वाचित भएका छन् ।

सहकारीको शनिबार भएको विशेष साधारण सभा तथा पाँचौं अधिवेशनबाट उपाध्यक्षमा चन्द्रनाथ कोइराला, सचिवमा चन्द्रप्रकाश कोइराला र कोषाध्यक्षमा लक्ष्मी भण्डारी कोइराला निर्वाचित भए ।

ऋण उपसमिति संयोजकमा इन्जिनियर जगन्नाथ कोइराला, शिक्षा उपसमिति संयोजकमा सुष्मा थापा, लेखा उपसमिति संयोजकमा वासुदेव कोइराला निर्वाचित भए ।

सञ्चालक समिति सदस्यमा शान्ति कोइराला, डा. मदन बराल, सीता शर्मा ढुंगाना, ईश्वर कार्की, रसोदा बराल निर्वाचित भएको निर्वाचन संयोजक सूर्यनाथ कोइरालाले बताए ।

ऋण उपसमिति सदस्यमा देवेन्द्र पौडेल र बद्री तिवारी, शिक्षा उपसमिति सदस्यमा बेनबहादुर गुरुङ र होमनाथ पौडेल, लेखा उपसमिति सदस्यमा प्रदीप कोइराला र कमला जिसी निर्वाचित भए । नवनिर्वाचित समितिलाई निर्वाचन संयोजक सूर्यनाथ कोइरालाले सपथ खुवाएका छन् ।

कार्यक्रममा जिल्ला सहकारी संघ अध्यक्ष सावित्रा कोइरालाले सहकारीलाई उत्पादनसँग जोडेर लैजानुपर्नेमा जोड दिइन् । सहकारी क्षेत्रमा रहेका विकृति र विसंगति अन्त्य गर्दै राष्ट्रिय अर्थतन्त्रमा योगदान दिने गरी सहकारी क्षेत्र अगाडि बढ्नुपर्ने उनको भनाइ थियो । सामाजिक अगुवा माधवप्रसाद बास्तोला (मधु) ले अहिले आर्थिक गतिविधि कम भएका बेलामा सहकारी क्षेत्रमा तरलता पर्याप्त भए पनि लगानीका लागि ठाउँ नभेट्दा समस्या परेको बताए ।

कार्यक्रममा आदर्श समाज सामाजिक संस्थाका अध्यक्ष भीमदेव भट्ट, आदर्श समाज दैनिकका सम्पादक भरत कोइरालाले शुभकामना व्यक्त गरे । सहकारी अध्यक्ष कोइरालाले सहकारीलाई उत्पादनसँग जोडेर अगाडि बढाउने प्रतिबद्धता जनाए । उद्देश्य मिल्ने सहकारीसँग मर्जरका लागि समेत बाटो खुला गरिएको उनले सुनाए ।

माघका १५, १६ र १७ गते निर्वाचन कार्यतालिका रहेकोमा सबै पदमा आवश्यकभन्दा बढी उम्मेदवारी नपरेकाले सर्वसम्मत समिति चयन गरिएको निर्वाचन समिति सदस्य खेमराज सापकोटाले बताए । सेयरसदस्यका छोराछोरामध्ये गत वर्षको एसइईमा उत्कृष्ठ जिपिए ल्याउने विद्यार्थीहरुलाई साधारणसभाका अवसरमा सम्मान गरिएको छ ।

Related News

सम्बन्धित समाचार

    hero news full width

    sanil ads

    wordlink ads