पोखरा । माइक्रोसफ्ट अफिस स्पेसलिस्ट वर्ल्ड च्याम्पियनसिप–२०२१ का लागि कास्कीमा आवश्यक तयारी पूरा भएको छ । ग्लोबलस्तरको सो प्रतियोगिता जिल्ला, राष्ट्रिय र अन्तर्राष्ट्रिय गरी ३ तहमा सञ्चालन हुँदैछ ।
जिल्लास्तरको पार्टनरलाई आवश्यक व्यवस्थापनका लागि तालिम दिनुका साथै अन्य सबै तयारी पूरा भएको शुक्रबार आयोजित पत्रकार सम्मेलनमा पार्टनर दीप आइटी एन्ड एजुकेसन कन्सल्टेन्सीका प्रबन्ध निर्देशक दिनेश लामिछाने जानकारी दिए । प्रतियोगिता तयारीका लागि जिल्लाका निजी विद्यालयका प्रधानाध्यापक र कम्प्युटर शिक्षकलाई तालिम दिइएको छ ।
सरकारी विद्यालयका शिक्षकको लागि पनि छिट्टै कार्यक्रम सञ्चालन गर्ने लामिछानेले बताए ।
ग्लोबल सो प्रतियोगितामा नेपालका ४२ जिल्लाको सहभागिता रहने छ । साथै विश्वमा नेपालसहित १ सय ३५ देशले भाग लिने छन् । ‘यो विश्वव्यापी प्रतियोगिता हो,’ लामिछानेले भने, ‘यसमा माइक्रोसफ्ट अफिस वर्ड, एक्सल र पावरपोइन्टमा सीप परीक्षण गरिनेछ । विद्यार्थीलाई अन्तर्राष्ट्रिय मान्यताप्राप्त माइक्रोसफ्ट प्रमाणपत्र प्रदान गर्नेछ ।’
कम्प्युटर विषय लिएर पढेका र कम्प्युटरमा रुचि राख्नेले मात्र नभई अन्य पनि सहभागी भई दक्ष भएर माइक्रोसफ्ट सर्टिफिकेट प्राप्त गर्न सक्ने जनाइएको छ ।
कास्कीमा १३ देखि २२ वर्ष उमेर समूहका विद्यार्थीले दीप आइटीका पार्टनर वा कार्यालयबाट आवेदन भर्न सक्नेछन् । आवेदनवापत २ हजार १ सय ७० शुल्क बुझाउनुपर्ने छ । आवेदन दिनेहरुलाई ‘माइक्रोसफ्ट लर्निङ टिच’ सफ्टवेयर प्रदान गरिनेछ ।
‘जिल्लाबाट छनोट भएकाहरु राष्ट्रियस्तरको प्रतियोगितामा भाग लिने छन् । त्यसबाट ६ जना विजेताको छनोट हुनेछ,’ लामिछाने भने, ‘प्रतियोगिता माइक्रोसफ्ट–२०१६ र २०१९ को वर्ड, एक्सल र पावरपोइन्टमा गरी ६ विधामा हुनेछ ।’
प्रत्येक विधाका विजेता गरी ६ जना नेपालको प्रतिनिधित्व गर्दै अमेरिका जान पाउने छन् । अन्तर्राष्ट्रिय रुपमा विजेता हुनेले ७ हजार अमेरिकी डलर, उपविजेताले ३ हजार ५ सय डलर र तृतीयले १ हजार ५ सय डलर प्राप्त गर्ने छन् ।
Related News
सम्बन्धित समाचार
पोखरामा ‘विज्ञान, प्रविधि र नवप्रवर्तनका क्षेत्रमा देखापरेका प्रवृत्तिहरू’ सम्मेलन
साइबर अपराधविरुद्ध सचेतना
टिकटक बन्द गरे/नगरेकाबारे जवाफ दिन निर्देशन
साइबर सुरक्षासम्बन्धी कार्यशाला
प्रतिबन्ध कार्यान्वयनमा सघाउन आग्रह गर्दै टिकटकलाई प्राधिकरणको जवाफी पत्र
hero news full width
मुख्य समाचार
असुरक्षित टहरामा बस्न वाध्य सुरक्षाकर्मी
गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०एमाले कास्कीमा को-को निर्वाचित ? (अन्तिम मतपरिणामसहित)
चैत्र १४, २०८०