हेमजा । नव सिद्धार्थ महिला बचत तथा ऋण सहकारी संस्था, बगालेटोलले जिल्ला सहकारी संघ कास्कीमा नवनिर्वाचित पदाधिकारीलाई सम्मान गरेको छ ।
कार्यक्रममा नव सिद्धार्थका सल्लाहकार एवं संघका नवनिर्वाचित अध्यक्ष सावित्रा कोइरालाले सहकारी आमनागरिकको जीवन पद्दति भएको बताउँदै संस्था नीति, विधि र पद्दतिबाट चल्नुपर्ने जनाइन् ।

संघको निवर्तमान अध्यक्ष रविरमण तिवारी, वरिष्ठ उपाध्यक्ष छविलाल लामिछाने, महिला उपाध्यक्ष अम्विका गौतम, महासचिव दीपक बास्तोला, कोषाध्यक्ष नवराज बराल, राष्ट्रिय प्रतिनिधि दीपकप्रकाश आचार्य, विषयगत संघ प्रतिनिधि आनन्द सुवेदी छन् ।

त्यस्तै कौशिला गुरुङ, चन्द्रा पराजुली, मैनादेवी राउत, खेमबहादुर गुरुङ, धनराज पुरी, विना लोहनी सदस्य छन् । अधिवेशनले धर्मबहादुर गुरुङको संयोजकत्वमा रमण पौडेल र विमला थापा बस्नेत सदस्य रहेको लेखा सुपरीवेक्षण समिति पनि गठन गरेको थियो ।

कार्यक्रममा सहकारी अध्यक्ष कल्पना श्रेष्ठ, सदस्य डाल्डादेवी भुजेल, व्यवस्थापक खेमराज अधिकारी लगायतले संघको नवनिर्वाचित टोलीलाई बधाई ज्ञापन गर्दै सफल कार्यकालको शुभकामना दिएका थिए ।