पोखरा । लायन्स क्लब पोखरा अन्नपूर्ण र लायन्स क्लब दर्पणले कास्कीको माछापुच्छ्रे ८, खोराको मुखस्थित शहीद हरिप्रसाद आधारभूत विद्यालयमा खानेपानी आयोजना निर्माण गरेका छन् ।

सो आयोजना एक समारोहबीच लायन्स पोखरा अन्नपूर्णका अध्यक्ष डा गोपिलाल श्रेष्ठ र दर्पणका उपाध्यक्ष राममणि पौडेलले विद्यालयलाई हस्तान्तरण गरे । ८१ हजार ५ सय रुपैयाँ लागतमा निर्मित सो आयोजनामा स्थानीय जनश्रमदान पनि छ ।

कार्यक्रममा लायन्स इन्टरनेशनल डिष्ट्रिक ३२५ बि १ का कल्सटरचिफ सुरेन्द्रमानसिंह भण्डारीले लायन्सले स्वच्छ खानेपानी उपलब्ध गराएकोमा धन्यवाद दिए ।
रिजन चियरपर्सन दीपेन्द्र शर्मा लायन्स क्लब सबैं सामाजिक कार्यमा क्रियाशील हुने बताए ।

विद्यालय व्यवस्थापन समिति अध्यक्ष ओमप्रसाद गुरुङले विद्यालयमा पानीको समस्या हल गराउन मद्दत पु¥याएकोमा २ लायन्स क्लबप्रति आभार प्रकट गरे ।
प्रअ बलराम रानाभाटले सो आयोजनाबाट १ सय २५ जना विद्यार्थीलार्ई प्रत्यक्ष लाभ पुगेको जानकारी दिए ।

लायन्स पोखरा अन्नपूर्णका अध्यक्ष डा गोपिलाल श्रेष्ठले कोरोना महामारीमा पनि लायन्स क्लबको सामाजिक कार्य सधैं अघि बढ्ने बताए ।
खानेपानी कार्यक्रम संयोजक गणेश छविले लायन्स पोखरा अन्नपूर्णले विगतमा पनि पोखराका सरकारी विद्यालयमध्ये ३१ वटामा १० हजार लिटरको खानेपानी टंकी निर्माण गरी हस्तान्तरण गरेको बताए ।

लायन्स क्लब दर्पणका उपाध्यक्ष राममणि पौडेलले २ क्लबको सहयोगबाट विद्यार्थीले पानीको समस्या अब झेल्न नपरेकोमा खुसी व्यक्त गरे ।