पोखरा । डाइनामिक पब्लिक लाइब्रेरी (डिपिएल) गण्डकी अध्यक्षमा वसन्त गिरी चयन भएका छन् । झापामा भएको प्रथम राष्ट्रिय महाधिवेशनबाट गण्डकी प्रदेश अध्यक्षमा वसन्त गिरी चयन भएका हुन् ।

उनको नेतृत्वमा ४० जनाको डिपिएल युथ टिम गठन गरिएको हो । उपाध्यक्षमा राजकुमार भण्डारी, सरस्वती गिरी, किशोर सुवेदी, महासचिव प्रदीप शर्मा बराल, कोषाध्यक्ष शिव पराजुली र सचिव सुरेनकुमार नेपालीलाई चयन गरेको छ । कानुनी सल्लाहकारमा शिशिर मिश्र छन् ।

सन् २०१२ मा झापाका भेषराज न्यौपाने नेतृत्वमा यो संस्थाको गठन भएको हो । संस्थाले विशेषगरी युवाको नेतृत्व र व्यक्तित्व विकासका लागि विभिन्न कार्यक्रम सञ्चालन गर्दै आएको छ ।

सो संस्थाका देशभर १३ शाखा बिस्तारित छन् । करिब ४ सय सदस्य रहेको संस्थाको केन्द्रीय अध्यक्ष विनोद उप्रेती हुन् ।