पोखरा । नेलम्बो नेपालले माछापुच्छ्रे गाउँपालिकाका सम्पूर्ण विद्यालयलाई कोभिड–१९ विरुद्ध स्वास्थ्य सुरक्षा सामग्री हस्तान्तरण गरेको छ ।

कार्यक्रममा मास्क, सेनिटाइजर, थर्मलगन, हातधुने साबुन, फेस सिल्ड, केएन–९५ मास्क, स्प्रे बोतल, हेन्ड फ्रि सेनिटाइजर स्ट्यान्ड लगायतत सामग्री नेलम्बो

नेपालका अध्यक्ष एकदेव देवकोटा र कार्यक्रम संयोजक डा किसन कोइरालाले गाउँपालिका अध्यक्ष कर्णबहादुर गुरुङलाई हस्तान्तरण गरेका हुन् ।
र्काक्रममा महेन्द्र माध्यमिक विद्यालयका प्रधानाध्यापक जगन्नाथ अधिकारीले नेलम्बो नेपालले विद्यालयहरु भौतिक रुपमा सञ्चालन गरेको अवस्थामा कोभिड–१९ विरुद्धका स्वास्थ्य सामग्रीले अध्ययन अध्यापनमा थप सहजता प्रदान गर्ने बताए ।

नेलम्बो नेपाल अध्यक्ष एकदेव देवकोटाले नेलम्बो नेपाल कोभिड–१९ को विषम परिस्थितिमा स्वास्थ्य क्षेत्रलाई विशेष महत्व दिँदै स्वास्थ्य सुरक्षाका सामग्री हस्तान्तरण गर्दै आएको र अहिले विद्यालयलाई स्वास्थ्य सामग्री हस्तान्तरण गरि उच्च मनोवल प्रदान गरिएको बताए । उनले आफूहरु अत्याधुनिक उपकरण र चिकित्सकसहितको टिमबाट मुख रोगको उपचार र दन्त चिकित्सा सेवा सञ्चालन गर्ने तयारीमा रहेको जानकारी दिए ।

गाउँपालिका अध्यक्ष कर्णबहादुर गुरुङले नेलम्बोको कार्य सह्रानीय रहेको भन्दै आगामी दिनमा गाउँपालिका सहकार्य गरी कार्य गर्न इच्छुक रहेको बताए ।
कार्यक्रममा सामुदाकि विद्यालयलाई २ लाख ५७ हजार, गाउँपालिकालाई ५७ हजार ७ सय गरी कुल ३ लाख ३३ हजार रुपैयाँ बराबरका स्वास्थ्य सामग्री हस्तान्तरण गरिएको नेलम्बो नेपालका जनसम्पर्क अधिकृत भीमप्रसाद भण्डारीले जानकारी दिए ।

कार्यक्रममा संस्थाका हेल्थ प्रमोसन अफिसर निर्मला देवकोटा, गाउँपालिकाका कार्यक्रम शिक्षाका शाखा प्रमुख कृष्णप्रसाद भण्डारी लगायतले बोलेका थिए ।

नेलम्बोले यसअघि गाउँपालिकाको वडा ६ धिताल र वडा ७ धम्पुसका विद्यालयहरुलाई स्वास्थ्य सामग्री दिइसकेको थियो ।