जनप्रिय माविले मनायो ५२ औं वार्षिकोत्सव

Avatar आदर्श समाज सम्वाददाता
माघ ११, २०७७

पोखरा। जनप्रिय माध्यमिक विद्यालयले ५२ औं वार्षिकोत्सव मनाएको छ । सो अवसरमा अभिभावक भेला एवं पुरस्कार वितरण भयो ।
पोखरा ८ का वडा अध्यक्ष रुद्रनाथ बरालले विद्यालयको शैक्षिक गुणस्तरका लागि स्थानीय सरकारबाट कुनै पनि सहयोग गर्न कसर बाकी नराख्ने बताए । उनले विद्यालयमा विद्यार्थीको आर्कषण बढ्दै गएकोप्रति खुसी व्यक्त गर्दै प्राविधिक शिक्षासहितको अध्यापनले पोखराको नमुना विद्यालयको रुपमा स्थापित भएकोमा बधाईसमेत दिए ।

विद्यालयको वार्षिक प्रगति विवरण प्रस्तुत गर्दै प्रअ देवीप्रसाद बस्ताकोटीले शिक्षा समाजको ऐना भएको बताए । उनले विद्यालयमा हाल विज्ञान, मानविकी, व्यवस्थापन, शिक्षा र सिभिल इन्जिनियरिङ समेत सञ्चालन रहेको बताए । विद्यालयको भौतिक एवं आर्थिक प्रगतिसँगै शैक्षिक गुणस्तरमा सुधार आएको उनको दाबी छ । उनले भर्चुअल रुपमा पठनपाठन सुचारु गर्न जनप्रिय सेकेन्डरी स्कुलनामक स्कुल एप्स तयार गरी अनलाइन कक्षामार्फत विद्यार्थी एवं अभिभावकलाई प्रविधिमार्फत जोड्न सफल रहेको बताए ।

विद्यालय व्यवस्थापन समिति अध्यक्ष राजकुमार गिरीको अध्यक्षतामा भएको कार्यक्रममा विद्यालय व्यवस्थापन समितिका पूर्वअध्यक्ष वीरेन्द्रनारायण विजुक्छे, रामबहादुर गिरी, अभिभावक संघका अध्यक्ष टीकाराम पौडेल, जनप्रिय बहुमुखी क्याम्पसका क्याम्पस सञ्चालक समिति अध्यक्ष तारा गिरी, छिमेकी विद्यालयतर्फबाट राम आधारभूत विद्यालयका अध्यक्ष सोमनाथ बराल, जनप्रिय पूर्वविद्याथी मञ्च अध्यक्ष सरोजनारायण बराल, निवर्तमान प्रअ बावुराम पौडेल, अभिभावक होमनाथ सिग्देल, विद्यार्थी छात्रा क्षितिज थापा र वर्ष विद्यार्थी कक्षा १० का जगदीश चापागाईं लगायतले शुभकामना मन्तव्य व्यक्त गरेका थिए ।
शिक्षक सुष्मा थापाले सञ्चालन गरेको कार्यक्रममा स्वागत प्रातः सत्र संयोजक इन्द्रबहादुर थापा र धन्यवाद ज्ञापन विद्यालय व्यवस्थापन समिति सदस्य रमेश बरालले गरेका थिए ।

यस्तै, निवर्तमान प्रअ बावुराम पौडेल, शिक्षक सजना आचार्य, वुद्धिसागर घिमिरे, इ. महेन्द्र पौडेल, आशीष अधिकारी र सृजना थापालाई बिदाइ गरिएको भने शिक्षक दीननाथ तिवारी, वसन्ती सुवेदी, सुमित्रा बराल, गायत्री सिग्देल, कार्यालय सहयोगी कविता गिरी र यशोधा आचार्यलाई पुरस्कृत तथा सम्मान गरियो ।
पूर्व प्राथमिकदेखि कक्षा १२ सम्म विभिन्न विधामा उत्कृष्ट विद्यार्थीलाई पुरस्कार वितरण गरिएको थियो । विद्यालयमा विभिन्न व्यक्ति तथा संस्थाको नाममा अक्षयकोषसमेत स्थापना गरिएको छ ।

२०१३ सालमा स्थानीय समाजसेवी, वुद्धिजीवी, शिक्षाप्रेमीको प्रयासबाट भानु प्राथमिक पाठशाला स्थापना भएकोमा २०२५ सालमा जनप्रिय नामकरणबाट विधिवत् पठनपाठन सुरु भएको हो ।

Related News

सम्बन्धित समाचार

    • आगामी शैक्षिक सत्र १० महिनाको हुने, असार १ गतेबाट सुरु

      Avatar आदर्श समाज सम्वाददाता फागुन १६, २०७७
      पाेखरा ।  विद्यालय तहको आगामी शैक्षिक सत्र १० महिनाको हुने भएको छ। शिक्षा तथा मानव स्रोत विकास केन्द्रका अनुसार आगामी…
    • एक वर्षपछि खुले विद्यालय

      rss रासस फागुन १२, २०७७
      मनाङ।  कोरोना महामारी र चिसोले बन्द भएका मनाङका विद्यालय झण्डै एक वर्षपछि सञ्चालनमा अएका छन् । गत वर्ष जाडो सकेर…
    • जनप्रियमा ट्रेकिङ गाइड तालिम

      Avatar आदर्श समाज सम्वाददाता फागुन ११, २०७७
      पोखरा । जनप्रिय बहुमुखी क्याम्पस र नेपाल पर्वतीय प्रशिक्षण प्रतिष्ठानको संयुक्त आयोजना एवं माछापुच्छ्रे मोडेल ट्रेकको व्यवस्थापनमा स्नातकतह पर्वतीय पर्यटन…
    • शीतला माविकाे ६३ औं वार्षिकोत्सव: बसाइँसराइले गाउँका विद्यालय संकटमा

      Avatar आदर्श समाज सम्वाददाता फागुन १०, २०७७
      पोखरा। स्याङ्जाको फेदीखोलास्थित शीतला माविले ६३ औं वार्षिकोत्सव मनाएको छ । सो अवसरमा बोल्ने वक्ताले सहरमा बसाइँसराइ कारण ग्रामीण भेकका विद्यालय…
    • बेलचौतारामा गण्डकीको शिक्षण अस्पताल

      Avatar आदर्श समाज सम्वाददाता फागुन ४, २०७७
      पोखरा । जीवनपयोगी मूल्यमान्यतामा आधारित राष्ट्रिय तथा अन्तर्राष्ट्रियस्तरमा प्रतिस्पर्धा गर्न सक्षम र नेतृत्वदायी जनशक्ति तयार गर्न गुणस्तरीय शिक्षा प्रदान गर्ने उद्देश्यले…

    hero news full width

    sanil ads

    wordlink ads