विकास खर्च तीन वर्षयताकै कम

पाँच महिनामा संघीय सरकारको पुँजीगत बजेट ३५ अर्ब ९४ करोड रुपैयाँ

आदर्श समाज सम्वाददाता
माघ ११, २०७७
ministry of finance

काठमाडौं ।  चालू आर्थिक वर्षको साउनदेखि मंसिरसम्म विकास खर्च पछिल्लो तीन वर्षयताकै कम भएको छ।

चालू आवको पहिलो पाँच महिनामा संघीय सरकारको पुँजीगत बजेट ३५ अर्ब ९४ करोड रुपैयाँमात्रै खर्च भएको छ। उक्त खर्च आव ०७६–०७७ र अघिल्लो आव ०७५–०७६ को सोही अवधिको तुलनामा न्यून हो। गत आवको सो अवधिमा ३७ अर्ब ६१ करोड र अघिल्लो आवमा ४० अर्ब ५० करोड रुपैयाँ खर्च भएको थियो।

अर्थ मन्त्रालयले कोभिड–१९ का कारण उत्पन्न परिस्थितिले चालू आर्थिक वर्षमा पुँजीगत बजेट खर्च हुन नसकेको स्वीकार गरेको छ।

‘कोभिड–१९ संक्रमणको जोखिमका कारण विकास निर्माणका कार्यहरु सञ्चालनमा कठिनाइ भएका कारण पुँजीगत खर्चमा अपेक्षित सुधार हुन सकेको छैन,’ मन्त्रालयले प्रकाशित गरेको अर्थ बुलेटिनमा उल्लेख छ।

महालेखा नियन्त्रकको कार्यालयका अनुसार चालू आर्थिक वर्षको ६ महिनामा ५४ अर्ब रुपैयाँभन्दा बढी पुँजीगत बजेट खर्च भएको छ। शनिबार ९माघ १०० सम्म ५४ अर्ब १३ करोड ९२ लाख रुपैयाँ पुँजीगत बजेट खर्च भएको छ।

गत वर्षको सोही अवधिको तुलनामा उक्त खर्च पनि न्यून हो। गत वर्षको सोही अवधिमा ६७ अर्ब ५२ करोड रुपैयाँ पुँजीगत खर्च भएको थियो। अघिल्लो आर्थिक वर्ष ०७५–०७६ को साउनदेखि माघ १० गतेसम्म ६० अर्ब ३९ करोड ९६ लाख रुपैयाँ पुँजीगत बजेट खर्च भएको थियो। पुँजीगत खर्चले विकास निर्माणका काम भए–नभएको देखाउँछ।

Related News

सम्बन्धित समाचार

  • असुरक्षित टहरामा बस्न वाध्य सुरक्षाकर्मी

    आदर्श समाज सम्वाददाता चैत्र १५, २०८०
    ढोरपाटन । खिया लागेका जस्तापाता, उप्किएका भित्ता, धमिराले छियाछिया भएका झ्याल ढोका । छानामा ढुंगाहरूले प्लास्टिक अठ्याइएको छ । यो…
  • गण्डकी सरकारले २०८१ मा ३ दिन बिदा दिने

    आदर्श समाज सम्वाददाता चैत्र १५, २०८०
    पोखरा । गण्डकी प्रदेश सरकारले आउने वर्ष अर्थात् २०८१ सालमा ३ दिन बिदा दिने निर्णय गरेको छ । संघीय सरकारलेभन्दा…
  • किरिया बसेका दाजुभाइ परीक्षामा

    आदर्श समाज सम्वाददाता चैत्र १५, २०८०
    स्याङ्जा। किरियामा बसेका २ दाजुभाइ एसइईमा सहभागी भएका छन् । पुतलीबजार नगरपालिका ४ स्थित सरस्वती मावि परीक्षा केन्द्रबाट संगम क्षत्री…
  • सुरु भयो एसइई, ५ लाख ४ हजार ४ सय १४ विद्यार्थी सामेल

    आदर्श समाज सम्वाददाता चैत्र १५, २०८०
    पोखरा । माध्यमिक शिक्षा परीक्षा (एसइर्ई) बिहीबारदेखि सुरु भएको छ । चैत २७ गतेसम्म सञ्चालन हुने यस वर्षको एसइर्ई परीक्षाको…
  • बजेट अभावमा नगर अस्पतालको काम रोकियो   

    आदर्श समाज सम्वाददाता चैत्र १५, २०८०
    दमौली । बजेट अभावका कारण तनहुँको भिमाद नगरपालिका–६ मा निर्माणाधीन भिमाद अस्पतालको भवन निर्माण रोकिएको छ । भिमाद प्राथमिक स्वास्थ्य…

hero news full width