पोखरा । नेपाली राष्ट्रिय फुटबल टोलीले पोखरा रंगशालामा अभ्यास सुरु गरेको छ । विश्वकप २०२२ अन्र्तगत छनोट चरणको खेलका लागि बन्द प्रशिक्षणमा रहेका खेलाडी बिहीबार पोखरा आएका थिए । प्रशिक्षणमा सहभागी नेपाली टिमका सिनियर खेलाडी विराज महर्जनले पोखराको मैदानमा अभ्यास गर्न पाउँदा खुसी लागेको प्रतिक्रिया दिए ।
पोखरालाई आफ्नो दोस्रो घरेलु मैदान मान्ने विराज प्राकृतिक मैदानमा अभ्यास गर्न पाएकोमा भाग्यमानी ठान्छन् । विदेशी टिमसँग खेल्ने अवसर पाए उत्कृष्ट हुँदै जानसक्ने उनको भनाइ थियो । ‘पोखरामा पनि हामी विदेशी टिमसँग खेल्न पाए एउटा अवसरको विकास हुन्थ्यो,’ उनले भने, ‘खेलाडीको स्तरमात्र होइन समग्र फुटबलको समेत विकास हुन्थ्यो ।’ राजधानी बाहिर पहिलो पटक प्रशिक्षणमा आउँदा खेलाडीहरुले निकै रमाइलो र मानसिक रुपमा बलियो महसुस गरेको उनले बताए ।
टोलीका मुख्य प्रशिक्षक बालगोपाल महर्जनले पोखराको मैदान उत्कृष्ट रहेको र प्राकृतिक मैदानमा स्तरीय टिमसँग मैत्रीपूर्ण वा प्रतियोगिता खेल्न पाए टिमको तयारीबारे थाहा हुने प्रतिक्रिया दिएका छन् । खेलाडीलाई मानसिक रुपमा फिट राख्नका लागि फरक फरक स्थानमा सुविधा सम्पन्न पूर्वाधारमा प्रशिक्षण गराउँदा खेलाडीको मनोबल बढ्ने उनको भनाइ छ । पोखरामा कुनै प्रतियोगिता वा मैत्रीपूर्ण खेल खेल्न पाए अझ राम्रो हुने उनले बताए । ‘पोखरामा फुटबल अभ्यास मात्र गर्ने छैनौं,’ उनले भने, ‘हामी हाइकिङ जाने पनि सोंच बनाएका छौं ।’
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१