पोखरा । सामुदायिक सेवा एवं सामुदायिक प्रहरी सेवा जिल्ला समन्वय समिति कास्की अध्यक्षमा बोधराज कार्की निर्विरोध निर्वाचित भएका छन् ।

शनिबार भएको संस्थाको ८ औं अधिवेशनबाट कार्की निर्विरोध निर्वाचित भएका हुन् भने प्रथम उपाध्यक्ष, द्वितीय उपाध्यक्ष र सचिव पदका लागिमात्र मतदान भएको थियो ।

प्रथम उपाध्यक्षमा ज्ञानेन्द्र बजगाई‌ं निर्वाचित भएका छन् । उनले दया बराललाई ३३ मतान्तरले पराजित गरे । बजगाईंले १ सय ३ मत प्राप्त गर्दा बरालले ७० मत ल्याएका थिए ।

द्वितीय उपाध्यक्षमा घनश्याम तिमिल्सिना ६८ मतसहित विजयी भए । उनले उत्तम जोशी (५०) र हुमनाथ अधिकारी(५९) लाई पराजित गरेका हुन् । सचिवमा विष्णु सुवेदी विजयी भए । सुवेदीले ९८ मत प्राप्त गर्दा अर्का उम्मेदवार देवेन्द्रकिशोर बास्तोलाले ७४ मत ल्याए ।

वरिष्ठ उपाध्यक्षमा भीम पराजुली, महासचिव मनपति भण्डारी, कोषाध्यक्ष दानबहादुर बस्नेत, सहकोषाध्यक्ष प्रेम पहारी सर्वसम्मत चयन भए ।

त्यस्तै सदस्यमा गुप्तबहादुर कार्की, आश्विर नेपाली, नरेन्द्रप्रसाद आचार्य, विदुरमणि ढुंगाना, विभिषण तिमिल्सिना, ऋषिराम शर्मा पौडेल, उमादेवी बास्तोला, खेमराज पौडेल, दोर्जे तामाङ र सिर्जना सापकोटा निर्विरोध निर्वाचित भएका हुन् ।