‘नेपाली भाषा विषयको अवमूल्यन नगर’

Avatar आदर्श समाज सम्वाददाता
माघ ८, २०७७

पोखरा । नेपाली भाषा शिक्षक परिषद् कास्कीले केही विद्यालयले कक्षा ११ को अनिवार्य नेपाली विषयलाई पाठ्यक्रम विकास केन्द्रले निर्धारण गरेभन्दा कम पाठ्यभार दिएर समय तथा कार्यतालिका बनाई नेपाली भाषा विषयको अवमूल्यन गरेको भन्दै ध्यानाकर्षण भएको जनाएको छ ।

संस्थाले विज्ञप्ति जारी गरी यसरी नेपाली भाषा विषयको अवमूल्यन गर्ने र नेपाली भाषा शिक्षकको मनोवल गिराउने ढंगले काम गरेको सार्वजनिक भइरहेको भन्दै पाठ्यक्रममा निर्दिष्ट गरेको समय सीमाभित्र विषयवस्तुको गहिराइसम्म पुग्न र पाठ्यक्रमले राखेका उद्देश्यअनुरूप शिक्षण गर्न आग्रह गरेको छ ।
विज्ञप्तिमा भनिएको छ, ‘नेपालबारे जान्न, नेपाली मात्रलाई एकताको सूत्रमा बाँधिरहन र नेपालको राष्ट्रियता बलियो बनाउन नेपाली भाषा अपरिहार्य छ । नेपाली भाषा विद्यालय तहदेखि विश्वविद्यालय तहसम्म पठनपाठनको माध्यम, बहुभाषिक नेपाली समाजको सम्बन्धसूत्र, आमसञ्चार एवम् प्रशासनिक कामकाजको माध्यम भाषा हो ।’

पाठ्यक्रम विकास केन्द्रले नै तय गरेको पाठ्यघन्टा कायम गरेर पढाउने क्रममा कुनै पनि कारण देखाएर बाधा खडा गर्ने वा नेपाली भाषा विषयको गरिमालाई कमजोर पार्ने गरी काम कारबाही भएमा परिषद्ले कानुनी उपचारको बाटो समात्ने चेतावनीसमेत दिइएको छ ।

पछिल्लो समय सर्वोच्च अदालतमा परेको रिट खारेज भएकाले नयाँ पाठ्यक्रम कार्यान्वयनमा मार्गप्रशस्त भएको छ । पाठ्यक्रम विकास केन्द्रले कक्षा ११ र १२ को नयाँ पाठ्यक्रम निर्माणमा अनिवार्य नेपाली विषयलाई कुनै एक कक्षामा वा ५० पूर्णांकका २ वटै कक्षामा राख्न खोजेको प्रारम्भिक प्रस्ताव सार्वजनिक भएपछि परिषद्ले यसबारेमा सरोकार पक्षसँग गरेको विमर्शपछि १ सय पूर्णांकको साप्ताहिक ३ पाठ्यघन्टा कायम हुने गरी कक्षा ११ र १२ मा अनिवार्य नेपाली विषय समावेश भएको दाबी गरिएको छ ।

Related News

सम्बन्धित समाचार

    • घरबेटीकी छोरी

      सुरेश बडाल सुरेश बडाल फागुन २२, २०७७
      बिजुलीभन्दा तेज गतिमा निकाली डंगुरबाट सानो लुगाको टुक्रा । अनि खितिति हाँस्दै निस्किई मेरो कोठाबाट । ऊ गई मेरो मनमा…
    • रवीन्द्र अधिकारीकाे स्मृति ग्रन्थ सार्वजनिक

      Avatar आदर्श समाज सम्वाददाता फागुन २१, २०७७
      काठमाडौं । ताप्लेजुङमा हेलिकप्टर दुर्घटनामा निधन भएका तत्कालीन संस्कृति पर्यटन तथा नागरिक उड्डयनमन्त्री रवीन्द्र अधिकारीको जीवनवृतान्त समेटिएको पुस्तक ‘स्मृतिमा रवीन्द्र…
    • गैंडाकोटको हर्कपुरमा फाइनप्रिन्ट फिभर

      Avatar आदर्श समाज सम्वाददाता फागुन २०, २०७७
      काठमाडौं । विश्वव्यापी रूपमा फैलिएको कोभिड–१९ को प्रभावबाट कुनै पनि क्षेत्र अछुतो रहेन । ठुल्ठूला उद्योग, कलकारखानादेखि ससाना खुद्रे पसल, शैक्षिक…
    • ‘चुल्ठो’ : कविताको खडेरीमा राहत

      धनबहादुर गुरुङ धनबहादुर गुरुङ फागुन १९, २०७७
      पोखरा, १९ फागुन । कवि, उपन्यासकार सहित्यकार सरस्वती प्रतीक्षाको भनाइ सापटी लिने हो भने, केही समय अगाडिसम्म पोखरामा कविताको खडेरी…
    • पोखरा प्रज्ञा प्रतिष्ठान कुलपति, प्राज्ञ सदस्यले लिए सपथ

      Avatar आदर्श समाज सम्वाददाता फागुन १९, २०७७
      पोखरा । पोखरा प्रज्ञा प्रष्ठिानका कुलपतिसहित प्राज्ञ सदस्यले सपथ लिएका छन् । पोखरा महानगरको हलमा आयोजित कार्यक्रममा मेयर मानबहादुर जिसीले कलुपति…

    hero news full width

    sanil ads

    wordlink ads