आत्महत्याका घटना रोक्न सचेतना, साउन यता कास्कीमा ७७ जनाले गरे आत्महत्या

Avatar आदर्श समाज सम्वाददाता
माघ ८, २०७७
suicide

हेमजा। आत्महत्याका घटना न्यूनीकरणका लागि सरोकारवाला पक्ष चनाखो हुनुपर्नेमा जोड दिइएको छ । जिल्लामा चालु आवको यस अवधिसम्म ७७ आत्महत्याका घटना भएपछि सोबारे चनाखो हुनुपर्नेमा जोड दिइएको हो ।

सामुदायिक सेवा केन्द्र एवम् सामुदायिक प्रहरी सेवा बगरले बिहीबार आयोजित ‘आत्महत्या रोकथाम तथा न्यूनीकरण प्रशिक्षण’ को सहजीकरण गर्दै प्रहरी नायव निरीक्षक होतबहादुर रोकाले आत्महत्या बढी मात्रामा झुन्डिएर हुने गरेको बताए । उनले सबैभन्दा केस झुन्डिएर हुने गरेकोमा त्यसपछि क्रमशः विष खाएर, आगो लगाएर र हाम फालेर हुने गरेको तथ्य पस्केका थिए ।

आत्महत्याका घटना न्यूनीकरणका लागि सम्बन्धित परिवार, समाज, स्थानीय संघसंस्था, स्थानीय सरकार बढी जिम्मेवार हुनुपर्ने उनको तर्क छ ।
पोखरा–१ की वडाध्यक्ष शारदाकुमारी पराजुलीले मानिसले आन्तरिक समस्या, व्यक्तिगत कारण र गरिबीले बढी मात्रामा आत्महत्या गर्ने गरेको बताइन् । उनले कतिपय अवस्थामा हुनेखाने वर्ग र हुँदाखाने वर्गले पनि त्यसमा प्रभाव पार्ने औँल्याइन्।

नमूना आमा समूह र अभियान महिला समूहको व्यवस्थापनमा भएको सो कार्यक्रममा स्थानीय संघसंस्था एवं आमा समूहका प्रतिनिधिको सहभागिता थियो।
सामुदायिक प्रहरी बगरका अध्यक्ष रामभूषण पराजुली, नमूना आमा समूहकी सहसचिव सिर्जना बास्तोला, कार्यक्रम संयोजक कल्पना आचार्य बास्तोला लगायतले आ–आफ्नो धारणा राखेका थिए ।

कार्यक्रमबीच आत्महत्या, त्यसको कारण, आत्महत्या पूर्व देखिने संकेत र रोकथामका विषयमा छलफल गरिएको थियो।

Related News

सम्बन्धित समाचार

    hero news full width

    sanil ads

    wordlink ads