युवा उद्यमी मञ्चको सहयोग

Avatar आदर्श समाज सम्वाददाता
माघ ७, २०७७
NYEF PIC

पोखरा । नेपाली युवा उद्यमी मञ्च (एनवाइइएफ) पोखराले आमा एग्रो प्रोडक्ट प्रालिलाई उद्यमशीलता प्रवद्र्धनका लागि २ लाख रुपैयाँ सहयोग गरेको छ ।

पोखरामा बुधबार आयोजित कार्यक्रममा मञ्च अध्यक्ष पुनीत वैद्यले आमा एग्रो प्रोडक्टकी अध्यक्ष गीता विष्टलाई सो रकम हस्तान्तरण गरे ।

संस्थाको ‘बनौं लखपति’ कार्यक्रमअन्तर्गत सो रकम प्रदान गरिएको अध्यक्ष वैद्यले बताए । ‘महिला उद्यमशीलता र स्वदेशी उत्पादन प्रवद्र्धन कार्यक्रमलाई जोड दिएको आमा एग्रोमा सहभागी महिला उद्यमीलाई प्रवद्र्धनका लागि उक्त रकम पछि फिर्ता गर्ने गरी हस्तान्तरण गरेका छौ,’ अध्यक्ष वैद्यले भने ।

एनवाइइएफ पोखराले युवाउद्यमीलाई प्रोत्साहन र प्रवद्र्धनका लागि विभिन्न कार्यक्रमहरु गरिरहेको संस्थाका सचिव तथा कार्यक्रम संयोजक नीरन केसीले जानकारी दिए ।

संस्थाले कास्कीका विभिन्न विद्यालयको भौतिक पूर्वाधार निर्माणदेखि शैक्षिक सामाग्री वितरण लगायत गतिविधिमा सहयोग गर्दै आएको उनले बताए ।

Related News

सम्बन्धित समाचार

    hero news full width

    sanil ads

    wordlink ads