छात्रालाई होटलमा लगेर परीक्षा दिलाउने शिक्षक पक्राउ

Avatar आदर्श समाज सम्वाददाता
माघ ६, २०७७
police-2-1

पोखरा । छात्रालाई परीक्षा केन्द्रबाहिर होटलमा लगेर अमर्यादितरुपमा परीक्षा दिलाएको अभियोगमा राष्ट्रिय मावि पोखराका प्रअसहित ३ जना पक्राउ परेका छन् ।

कक्षा ११ को ऐच्छिक अंग्रेजी र शैक्षणिक विधिविषयक आंशिक परीक्षामा एक छात्रालाई होटलमा लगेर परीक्षा दिलाएको घटनाले अघिल्लो साता बजार तातेको थियो ।

यसरी अमर्यादित रुपमा परीक्षा लिएको र अन्य प्रचलित कानुनविपरीतको कसूरजन्य कार्यसमेत भएको हुन सक्ने देखिएको भन्दै राष्ट्रिय परीक्षा बोर्डले आवश्यक अनुसन्धान गरी दोषी उपर कारबाही गर्न जाहेरीसहितको कागजात माघ २ मा जिल्ला प्रहरी कार्यालयमा पठाएपछि पक्राउ गरी अनुसन्धान थालिएको हो ।

पक्राउ पर्नेमा पोखरा १८ कास्कीकोट स्थायी घर भइ हाल पोखरा १, बागबजार बस्ने विद्यालय प्रअ ४८ वर्षीय सूर्य तिवारी, रुपा घर भइ हाल पोखरा ११, फूलबारी बस्ने शिक्षक ४१ वर्षीय घनश्याम रेग्मी र पोखरा २०, भलाम घर भइ हाल पोखरा १, पुरानो टुँडिखेल बस्ने शिक्षक ४० वर्षीय शिरीषकुमार वस्ताकोटी छन् ।

उनीहरुविरुद्ध शिक्षा ऐन, सम्बन्धी कसूरमा मुद्दा दर्ता गरी अदालतबाट ५ दिन म्याद थप गरेर अनुसन्धान प्रक्रिया अगाडि बढाइएको कास्की प्रहरीले जनाएको छ ।

Related News

सम्बन्धित समाचार

    hero news full width

    sanil ads

    wordlink ads