व्यास अल्ट्रा म्याराथनको राशि बढ्यो

सविन लामिछाने सविन लामिछाने
माघ ५, २०७७
vyas-ultra-marathoon-press-meet

दमौली। व्यास नगरपालिका ५ मानुङकोटबाट व्यास नगरपालिका ८ पुलिमराङसम्म चौथो व्यास नगर अल्ट्रा म्याराथन हुने भएको छ । हरेक वर्ष सहिद दिवसको अवसरमा व्यास नगरपालिकाले गर्दै आएको व्यास नगर अल्ट्रा म्याराथन नगरपालिकाले खेलकुदको माध्यमबाट पर्यटन प्रवद्र्धन गर्ने उद्देश्यले गर्न लागेको हो ।

व्यास नगरपालिकाका प्रमुख न्यौपानेले पर्यटकीय गाउँ मानुङकोट र सहिदको गाउँ पुलिमराङलाई खेलकुदको माध्यमबाट जोड्दै पर्यटन प्रवद्र्धन गर्ने उद्देश्यले विगत ४ वर्षदेखि म्याराथनलाई निरन्तरता दिँदै आएको पत्रकार सम्मेलनमा बताए । पत्रकार सम्मेलनमा नगर प्रमुख वैकुण्ठनाथ न्यौपानेले पर्यटकीय गाउँ मानहुँ र सहिदहरुको गाउँ पुलिमराङलाई खेलकुदको माध्यमबाट जोड्दै पर्यटन प्रबद्र्धन गर्ने उद्देश्यले म्याराथन आयोजना गर्न लागिएको जानकारी दिए ।

म्याराथनमा बाटोको बीचमा दुरी पार गरेको धावकको दर्ता समेत गरिने जसले गर्दा कसैले पनि छलि गर्न नपाउने न्यौपानेले बताए । यस वर्षको म्याराथनको संयोजकमा उपप्रमुख मिरा जोशी छन् । प्रतियोगितामा १६ वर्ष भन्दा माथिको उमेर धावक सहभागी हुन पाउने छन् । मानुङकोटबाट सुरु हुने म्याराथन सहिद स्मारक पार्क रहेको व्यास नगरपालिका वडा नं ८ पुलिमराङसम्म ४४ किमी दुरीको रहनेछ ।

प्रतियोगितामा ८ स्थलमा चेक प्वाइन्ट राखिने भएको छ । म्याराथन मानुङकोट सिद्ध मार्ग हुँदै अलंैचे–चापाघाट–अनसन चौतारी–सफासडक–भोर्लेटार चोक–बैरेनी–दुम्सी–कलेस्ती–पाथ्रा–सत्रसय–बानियाँ डिही–बर्लाची–सोतीवेशी–बगुवा रिस्ती–बाहुन पोखरा हुँदै पुलिमराङमा पुगेर सकिनेछ ।

गत वर्षको म्याराथनमा सोलुखुम्बुका सुमन कुलुङले उपाधि जितेका थिए । यस पटक हुने प्रतियोगितामा पुरस्कार राशि वृद्धि गरेको छ । प्रथमलाई ८५ हजार ७७ रुपैयाँ, द्वितीयलाई ६५ हजार ७७ रुपैयाँ तथा तृतीयलाई ५५ हजार ७७ रुपैयाँ छ । यसैगरी सान्त्वनाका लागि भने १६ हजार ७७ रुपैयाँ पुरस्कार तोकिएको छ ।

पुरस्कार रकमको कर नगरपालिका आफैंले बेहोर्ने जानकारी दिइएको छ । गत वर्ष प्रथम हुनेलाई ८१ हजार ७६, दोस्रो हुनेलाई ६१ हजार ७६, तेस्रो हुनेलाई नगद ५१ हजार ७६ रुपैयाँ र सान्त्वना हुने पाँच जनालाई १६ हजार ७६ रुपैयाँ पुरस्कार प्रदान गरिएको हो । प्रतियोगितामा सहभागी हुन चाहनेले माघ १४ गतेभित्र नाम दर्ता गराइसक्नुपर्ने र १५ गते धावकलाई अभिमुखीकरण गरिने पत्रकार सम्मेलनमा जानकारी गराइएको छ ।

यसैगरी महिलाहरुका लागि पनि नगरपालिकाले दौड गर्ने भएको छ । गत वर्ष गर्ने भनिएको दौड कोरोनाले रोकिएको भन्दै अन्तर्राष्ट्रिय नारी दिवसबाट निरन्तरता दिइने भएको छ । अन्तर्राष्ट्रिय नारी दिवसको दिनमा ऐतिहासिक तनहुँसुरसम्मको हाफ अल्ट्रा म्याराथन प्रतियोगिता पनि गरिने व्यासनगर उपप्रमुख मिरा जोशीले जानकारी दिइन् ।

Related News

सम्बन्धित समाचार

    • भलिबल उपाधि विधान स्पोर्ट्स हाउस वालिङलाई

      Avatar आदर्श समाज सम्वाददाता फागुन १६, २०७७
      पोखरा । विधान स्पोर्ट्स हाउस वालिङ स्याङ्जाले स्वर्गीय महेश खड्का स्मृति कप क्लब स्तरीय महिला तथा पुरुष भलिबल प्रतियोगिताको उपाधि…
    • नेपालकै ठूलो धनराशिको फुटसल

      Avatar आदर्श समाज सम्वाददाता फागुन १६, २०७७
      पोखरा । राजन ब्रदरहुड र स्पोर्टस् क्यासलको आयोजनामा आगामी चैतमा नेपालकै ठूलो राशिको खुला फुटसल प्रतियोगिता हुने भएको छ ।…
    • सुरु भयो बिटी कपको १४ औं संस्करण

      Avatar आदर्श समाज सम्वाददाता फागुन १६, २०७७
      पोखरा । बिटी कप सेभेन ए साइड नकआउट अन्तर क्लब फुटबल प्रतियोगिता पोखरामा आइतबार सुरु भएको छ । बुद्धटोल युवा…
    • देश्ना स्मृति कप भेट्रान्सको उपाधि ब्रदरवुडलाई

      Avatar आदर्श समाज सम्वाददाता फागुन १६, २०७७
      पोखरा । पोखरा महागरपालिका १ पुरानो टुडिखेलमा भएको ‘दोस्रो देश्ना चन्द स्मृति भेट्रान्स सेभेन ए साइड नयाँगल्ली कप २०७७’को उपाधि…
    • सचिन स्मृति दौडको उपाधि भारतीय सेना गुरुङलाई

      Avatar आदर्श समाज सम्वाददाता फागुन १५, २०७७
      फागुन । रोट्रयाक्ट क्लब अफ दमौलीले आयोजना गरेको १८ औं सचिन स्मृति खुल्ला दौड प्रतियोगितामा भारतीय सैनिक भरत गुरुङ विजेता…

    hero news full width

    sanil ads

    wordlink ads