महिला पर्यटन व्यवसायी मञ्चद्वारा बैदाम इन्चार्ज तामाङको स्वागत

Avatar आदर्श समाज सम्वाददाता
माघ ५, २०७७
news WOTEF

पोखरा । महिला पर्यटन व्यवसायी मञ्च (ओटेफ) ले वडा प्रहरी कार्यालय वैदामकी इञ्चार्ज प्रहरी नायव उपरीक्षक चिनिमाया तामाङलाई स्वागत गरेको छ ।

मञ्च अध्यक्ष पार्वती पाण्डेले वडा प्रहरी कार्यालयले पहिलो पल्ट महिला इञ्चार्ज पाएको उल्लेख गर्दै यस क्षेत्रको शान्तिसुरक्षा र अमनचयन हुनेमा विश्वास व्यक्त गरिन् ।

प्रहरी नायव उपरीक्षक तामाङले स्वागत सम्मानले आफूलालाई अझै बढी जिम्मवार बनाएको बताइन् । आफ्नो क्षेत्राधिकारभित्र रहेर शान्तिसुरक्षामा जोड दिदै अपराध न्यूनीकरणका लागि पहल गर्ने उनले प्रतिबद्धता व्यक्त गरिन् ।

आफू आएदेखि चोरी डकैतीका केस अलि बढी आएको जनाउँदै सबै व्यवसायीलाई सिसी टिभी क्यामरा राख्नसमेत आग्रह गरिन् ।

उनले भनिन्, ‘नेपाल प्रहरीले सीमित स्रोतसाधनबाट अपराध अनुसन्धानमा काम गरिरहेको छ, कतिपय घटनाको अनुसन्धान निकै जटिल हुने गर्छ, सिसि टिभी राख्नुभयो भने अपराध अनुसन्धानमा सहयोग पुग्छ ।

कार्यक्रम मञ्चका संस्थापक अध्यक्ष जमुना पराजुली, उपाध्यक्ष उमा भण्डारी, सचिव ममता न्यौपाने, लगायतले लेकसाइडका विभिन्न ठाउँमा हुने गरेका अवाञ्छित गतिविधिले व्यवसायीलाई असर गरेको जनाउँदै समाधानका लागि प्रहरी प्रशासनको सक्रियता बढाउन आग्रह गरे ।

लेकसाइडमा राती ‘मोडिफाइ’ गरेका मोटरसाइकलका आवाज र डान्स डिस्कोवारका ध्वनी प्रदुषणसँगै लागु औषध, मादक पदार्थ सेवन गरे मध्यरातमा होहल्ला गर्ने र चोरी डकैती समेत बढ्दै गएकाले पर्यटकीय क्षेत्रको शान्तिसुरक्षा र पर्यटनमैत्री वातावरणका लागि प्रहरी प्रशासनले विशेष ध्यान दिनुपर्ने उनीहरुको भनाइ थियो ।

Related News

सम्बन्धित समाचार

    hero news full width

    sanil ads

    wordlink ads

    trending post

    ट्रेन्डिङ्ग