पोखरा । ग्यालेक्सी हस्पिटल प्रालि उतमचोक र निलगिरी वचत तथा ऋण सहकारी संस्था बिरौटाबीच स्वास्थ्य सेवामा छुट दिने सम्झौता भएको छ । सम्झौता अनुसार अब निलगिरी वचत तथा ऋण सहकारी संस्थाका सेयर सदस्यले ग्यालेक्सी हस्पिटलको सेवामा १२ प्रतिशत र फार्मेसीमा ७.५ प्रतिशत छुट पाउने हस्पिटलका प्रबन्ध निर्देशक दिपेन थापाले बताए ।
छुट सम्बन्धी सम्झौतापत्रमा हस्पिटलको तर्फबाट मेडिकल डाइरेक्टर डा. ऋषिराम ढकाल र सहकारीका तर्फबाट अध्यक्ष लेखनाथ बरालले हस्ताक्षर गरेका छन् । २४ घन्टा विशेषज्ञ स्वास्थ्य सेवा दिइरहेको हस्पिटलले अनुभवी तथा दक्ष चिकित्सकबाट अत्याधुनिक स्वास्थ्य प्रविधिको प्रयोग गर्दै सबै प्रकारका रोगको उपचार सहितका स्वास्थ्य सेवा प्रदान गरिरहेको छ ।
२५ शय्याबाट सेवा सञ्चालन गरेको हस्पिटलमा हाल इमरजेन्सी ५ शय्या, जनरल वार्डमा १२, डिलक्स क्याबिन ७, सेमी क्याविन १ (४ शय्याको) आइसियु ६, पोस्ट अप ३, एन आइसियु, पिआइसियु र वाल तथा नवजात शिशु शय्या र आइसोलेसन वार्ड सञ्चालन गर्ने गरी संरचना निर्माण भई अधिकांश सेवाहरु सञ्चालनमा रहेको ग्यालेक्सी हस्पिटलका अध्यक्ष डा. हेमन्त मानन्धरले बताए ।
हस्पिटलको दोस्रो वार्षिक साधारण सभा
ग्यालेक्सी हस्पिटल प्रालिको दोस्रो वार्षिक साधारण सभा हालै सम्पन्न भएको छ । सभामा गत वर्षको सम्पूर्ण आय व्यय विवरणमाथि छलफल गरी पारित गरिएको थियो ।
अबका दिनमा पनि स्वास्थ्य सेवा लाई समयको माग र आवश्यकता अनुसार थप गुणस्तर बनाउने लक्ष्य अनुरुप र सेवाविस्तार गर्ने योजना अनुसार आगामी वर्षमा मस्तिस्क तथा स्नायु शल्याचिकित्सा सेवा र दन्तरोग तथा मुख शल्याक्रिया सेवालाई विस्तार गरि व्यवस्थित गरिने सभामा बताइएको छ ।
उपयुक्त स्थानको व्यवस्था गरी सिटी स्क्यानको खरिद तथा व्यवस्थापन गरिने छ । आधुनिक प्रविधियुक्त उपकरणहरु सहित न्युरो आइसियु र अर्थोस्कोपी सेवा सीघ्र सञ्चालन गरिने योजना रहेको अध्यक्ष डा. हेमन्त मानन्धरले बताए । सभामा अध्यक्ष डा. हेमन्त मानन्धर, मेडिकल डाइरेक्टर डा. ऋषिराम ढकाल सञ्चालक रमेशकुमार कर्माचार्य, डा. प्रेमराज पंगेनी, प्रबन्ध निर्देशक दिपेन थापालगायतले बोलेका थिए ।
Related News
सम्बन्धित समाचार
कास्कीमा एसइई उत्तरपुस्तिका परीक्षण रोकियो
सहारा एकेडेमीमा यु–१४ फुटबल प्रशिक्षण
पुस्तक दिवसमा पुस्तक साटासाट
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
hero news full width
मुख्य समाचार
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१