पोखरा ।  पोखरा इलेक्ट्रिकल एसोसिएसन अध्यक्षमा मुक्तिनाथ आचार्य निर्वाचित भएका छन् ।

शनिबार भएको २१ औं साधारण सभा तथा ११ औं अधिवेशनबाट अध्यक्षसहित सबै पदाधिकारी र सदस्य सर्वसम्मत निर्वाचित भएका हुन् ।

कार्यसमितिको वरिष्ठ उपाध्यक्ष ऋषिराज बराल, द्वितीय उपाध्यक्ष शिशिर मिश्र, तृतीय उपाध्यक्ष गिरिराज बराल, महासचिव केशव ढकाल, सचिव नीलबहादुर भुजेल, कोषाध्यक्ष कृष्णमणि भण्डारी र सहकोषअध्यक्ष सरस्वती गिरी चयन भए । सदस्यमा विजय क्षत्री, मीलन तामाङ, अमृत पोखरेल, सुशीला भुर्तेल अधिकारी, प्रदीपराज पौडेल चयन भए ।

कार्यक्रममा नेपाल विद्युतीय व्यवसायी महासंघका अध्यक्ष सुदर्शन पौडेल, नेपाल उद्योग वाणिज्य महासंघ गण्डकी प्रदेश अध्यक्ष सञ्जीवबहादुर कोइराला, पोखरा उद्योग वाणिज्य संघका अध्यक्ष नारायण कोइराला, नेपाल विद्युतीय व्यवसायी महासंघका प्रथम उपाध्यक्ष रेशम देवकोटासहितका अतिथिले शुभकामना व्यक्त गरे ।