कास्कीका ५ पालिकामा कांग्रेसको प्रदर्शन

Avatar आदर्श समाज सम्वाददाता
माघ ३, २०७७
Congress Madi

पोखरा । सरकारले प्रतिनिधि सभा विघटन गरेकोविरुद्ध नेपाली कांग्रेसले शनिबार देशका ७ सय ५३ पालिकामा प्रदर्शन गरेको छ ।

कांग्रेसको चरणबद्ध आन्दोलनअन्तर्गत कास्कीमा ५ पालिकामा पनि विरोध प्रदर्शन भयो । पोखरा महानगरपालिकासहित मादी, रुपा र अन्नपूर्ण र माछापुच्छ्रे गाउँपालिकामा प्रदर्शन गरिएको हो ।

पोखरामा चिप्लेढुंगास्थित पार्टी कार्यालय, मादीको याङ्जाकोट, रुपाको ध्रुवतारा क्लब प्रांगण, अन्नपूर्णको प्रदर्शन नागडाँडा र माछापुच्छ्रेको प्रदर्शन महेन्द्र माविको प्रांगणबाट विरोध प्रदर्शन सुरु भएको कांग्रेस कास्कीका प्रवक्ता नवीन सिग्देलले जानकारी दिए ।

अन्नपूर्ण गाउँपालिकाको प्रदर्शनपछि नयाँपुलमा आयोजित विरोध सभामा बोल्दै कांग्रेस नेता शुक्रराज शर्माले कम्युनिष्टलाई मत दिएर जिताएकाहरुले अहिले पश्चाताप गरिहेको बताए । उनले देश र जनताका लागि शिक्षा, स्वास्थ्य, रोजगारी र विकासका योजना आवश्यक रहेको उल्लेख गरे ।

मादीको याङ्जाकोटमा आयोजित विरोध सभामा बोल्दै जिल्ला सभापति कृष्ण केसीले कम्युनिष्टका कारण सर्वसत्तावाद बढेको बताए । उनले लोकतन्त्रमाथिको प्रहार कांग्रेसलाई स्वीकार्य नहुने उल्लेख गरे ।

अन्नपूर्णको विरोध सभामा महासमिति सदस्य दीपक गुरुङ, महाधिवेशन प्रतिनिधि देवेन्द्रकुमार शेरचन, अन्नपूर्ण गाउँपालिका प्रमुख युवराज कुँवर, कांग्रेस कास्की प्रवक्ता नवीन सिग्देल, नेपाल तरुण दल कास्की अध्यक्ष मनोज गुरुङ, जिपी कोइराला फाउन्डेशन कास्की अध्यक्ष यादवराज अधिकारी, महिलानेतृ खेमकुमारी गुरुङ, अन्नपूर्ण ५ का वडाध्यक्ष जीवनाथ पौडेल ‘शंकर’, वडा १ का वडाध्यक्ष भरतजंग कुँवर, वडा ६ वडाध्यक्ष चित्रबहादुर गुरुङ, शिक्षक संघका शिव तिमिल्सिना, वडा इकाइ सभापति इन्द्रप्रसाद सुवेदी, पूर्व डिएसपी गमबहादुर गुरुङ, युवानेता विकास गुरुङ, विजय गुरुङ, कांग्रेस अन्नपूर्ण गाउँपालिका सभापति मनपति भण्डारी, सचिव कृष्णप्रसाद सुवेदी लगायतले बोलेका थिए ।

Related News

सम्बन्धित समाचार

    • प्रधानमन्त्री ओलीलाई सुरक्षा थ्रेट !

      prakash dhakal प्रकाश ढकाल फागुन १७, २०७७
      पोखरा । उच्च सुरक्षा घेराको ३ तह । अघि–पछि हतियारधारी सुरक्षाकर्मी लिएर बालुवाटारबाट निस्किन्छन् प्रधानमन्त्री केपी शर्मा ओली । बालुवाटार…
    • संसद बैठकः सत्तापक्षको बेन्च झमेला

      rss रासस फागुन १६, २०७७
      काठमाडौँ, १६ फागुन | सर्वोच्च अदालतको प्रतिनिधिसभा पुनःस्थापनाको आदेशानुुसार प्रतिनिधिसभाको सातौँ अधिवेशन अबको आठ दिनभित्रै बस्दैछ । मन्त्रिपरिषद्को शुुक्रबारको बैठकले…
    • स्याङ्जाको बिरुवा–४ खुदीमा ६७ जना कांग्रेस प्रवेश

      Avatar आदर्श समाज सम्वाददाता फागुन १५, २०७७
      पोखरा । स्याङ्जा जिल्लाको बिरुवा गाउपालिका वडा नम्बर ४ खुदी गाउँबाट आज नेकपा परित्याग गरि ६७ जना नेपाली नेपाली कांग्रेस…
    • प्रतिनिधिसभा बैठक २३ गते बोलाउन सिफारिस

      Avatar आदर्श समाज सम्वाददाता फागुन १४, २०७७
      काठमाडौं । सरकारले फागुन २३ गते प्रतिनिधिसभाको बैठक बोलाउन सिफारिस गर्ने निर्णय गरेको छ । प्रधानमन्त्री निवास बालुवाटारमा शुक्रबार साँझ…
    • विप्लव नेकपा मुस्ताङ इन्चार्ज पक्राउ

      Avatar आदर्श समाज सम्वाददाता फागुन १४, २०७७
      म्याग्दी। सरकारद्वारा प्रतिबन्धित नेकपा नेत्रविक्रम चन्द (विप्लव) समूहका मुस्ताङ जिल्ला इन्चार्ज पदम पुन (फिल्टर) पक्राउ परेका छन् । म्याग्दीको मालिका गाउँपालिका–२…

    hero news full width

    sanil ads

    wordlink ads