उच्च र जिल्ला बारलाई पुस्तक

आदर्श समाज सम्वाददाता
माघ ३, २०७७
nepal bar book

पोखरा । नेपाल बार एसोसिएसन केन्द्रीय कार्यालयले उच्च बार पोखरा र जिल्ला बार कास्कीलाई पुस्तक हस्तान्तरण गरेको छ ।

परिवर्तित अवस्थामा ऐन कानुनका किताबहरु कानुन व्यवसायीलाई उपलब्ध गराउने उद्देश्यले कार्यक्रम गरिएको नेपाल बारका उपाध्यक्ष सुरेन्द्र थापामगरले बताए ।

केन्द्रीय उपाध्यक्ष थापामगर र केन्द्रीय सदस्य कल्पना भण्डारीले उच्च बारका अध्यक्ष नारायणप्रसाद पौडेल र जिल्ला बारका उपाध्यक्ष ध्रुवबहादुर खत्रीलाई पुस्तक हस्तान्तरण गरे ।

कार्यक्रममा वरिष्ठ अधिवक्ता तीलक पराजुलीले पढ्ने लेख्ने र बोल्ने काममा पारंगत हुनुपर्ने कानुन व्यवसायीका लागि पुस्तकको अलग्गै महत्व रहेको बताए । उनले भने, ‘पुस्तकहरु प्राप्त भएका छन्, पुस्तक यहि हालतमा नरहून, पढेर पानाहरु पुराना भएर कलमले धर्सा लगाएको भेटियो भने पुस्तकको उपयोग भएको मानिने छ ।’ लिखित कानुनहरुलाई अहिले सनकको भरमा परिमार्जजन गर्ने पद्दति रहेको अहिलेको अवस्थामा कानुन व्यवसायीहरु सशक्त रुपमा उत्रनुपर्ने भनाइ उनले राखे । उनले भने, ‘प्रधानमन्त्रीले सपना देख्नुभयो भने राष्ट्रपतिलाई भनेर अध्यादेश जारी गर्नुहुन्छ, फेरिनुपर्ने विषय बरु पछि फेरिने गरेको छ । ’

उपाध्यक्ष थापा मगरले वौद्घिक ज्ञान व्यावहारिक र व्यावहारिक ज्ञान वौद्घिक हुनुपर्ने बताए । उनले भने, ‘ऐन भनेको ऐना, ऐना एकपटक हेरेर हुँदैन, पटकपटक हेर्नुपर्छ, यसैका लागि पुस्तक उपलब्ध गराइएको हो ।’ न्यायाधीश र वरिष्ठ अधिवक्ता हुनका लागि निशुल्क कानुनी सहायता अनिवार्य रहेको भन्दै यसका लागि पनि प्रचार आवश्यक रहेको उनको भनाइ थियो ।

कार्यक्रममा बार कान्सिलका पार्सद मुकुन्दराज अर्यालले काठमाडौं गएर पुस्तक किनेर फर्कंदै गर्दा बाटोमै कानुन परिमार्जन हुने प्रवृत्ति रहेकाले कानुन व्यवसायीले कति पुस्तक किन्ने भन्ने अवस्था आएको बताए । पोखरा उच्च बारका अध्यक्ष नारायणप्रसाद पौडेलले बारमा पुस्तकालय भए पनि त्यसको प्रयोग हुन नसकेको भनाइ राखे ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width