पोखरा । गण्डकी प्रदेशका मुख्यमन्त्री पृथ्वीसुब्बा गुरुङले हिमाली क्षेत्रको आर्थिक वर्ष फेर्नुपर्ने प्रस्ताव राखेका छन् । राष्ट्रिय विकास समस्या समाधान समितिको बैठकमा उनले हिमाली क्षेत्रमा अहिलेकै आर्थिक वर्ष अनुसार काम गर्न सकस परेको भन्दै यसलाई संशोधन गर्न सुझाएका हुन् ।
गुरुङले हिमाली क्षेत्रमा चिसो महिनाभरि काम गर्न नसकिने भएकोले फागुनदेखि नयाँ आर्थिक वर्ष सुरु गर्न सुझाव दिए । अहिले हाम्रो आर्थिक वर्ष साउनदेखि सुरु हुन्छ । योजनाको प्रारम्भिक काम हुँदै गर्दा जाडो सुरु भइहाल्छ । हिउँ परेपछि हिमाली क्षेत्रमा कसरी काम गर्ने ?,’ उनले भने, ‘ती ठाउँमा फागुनबाट नयाँ आर्थिक वर्ष चलाउँदा हुन्छ । त्यसपछि पूरै काम हुन पाउँछ ।’ सबैको साझा समस्या भएकोले जोडदार रुपमा समस्याको उठान गरिएको गुरुङले बताए । ‘यो समस्या गण्डकीको मात्रै होइन । देशभरका २० जिल्लामा छ,’ उनी भन्छन्, ‘कुरो उठेको छ । केही निष्कर्ष आउला ।’ यस विषयमा गण्डकी प्रदेश सभामा समेत पटक पटक आवाज उठेको छ । मुस्ताङका सांसद इन्द्रधारा विष्ट र मनाङका सांसद चिन्ताबहादुर घलेले आर्थिक वर्ष फेर्न माग गरेका थिए ।
वन ऐन संशोधन तथा एक्याप र एमक्यापको व्यवस्थापन समस्या पनि बैठकमा उठेको छ । ‘वन ऐन संशोधन गर्नुपर्छ भनेको छु । एक्यापसँग त छलफल भइरहेको छ । अब एक्याप प्रदेश मातहत आउँछ,’ उनले भने । गुरुङका अनुसार प्रदेश र राष्ट्रिय प्रकृति संरक्षण कोष (एनटिएनसी) ले एकीकृत कार्यविधि तयार गर्दै छन् । कार्यविधि अनुसार मुख्यमन्त्रीको संरक्षकत्वमा परिषद् बनाउने प्रस्ताव गरिएको छ । त्यसमा एक्याप रहेका सबै गाउँपालिका अध्यक्षहरु पदेन सदस्य रहने र नीतिगत सबै निर्णय यही परिषद्ले गर्ने व्यवस्था गरिएको छ ।
त्यस क्षेत्रबाट रोयल्टी एक्यापले उठाउने, रकम प्रदेश सरकारको कोषमा राख्ने र स्थानीय तह, प्रदेश तथा एनटीएनसीलाई भाग लगाउने गुरुङले बताए । ढुंगा, गिट्टी, बालुवाको बिक्रीबाट प्राप्त राजस्व प्रदेश र स्थानीय तहबीच ४०÷६० को अनुपातमा बाँडफाँट गर्ने व्यवस्था छ । तर प्रदेश सरकारले त्यसको नियमन गर्न सकेको छैन । उनले त्यो खुलाइदिन संघ सरकार गुहारेका छन् ।
उनले संघ सरकारले परियोजनाका नाममा धमाधम कार्यालयहरु खोलिदिँदा प्रदेश सरकारको क्षेत्राधिकार संकुचन भएको बताएका छन् । त्यसो त स्थानीय तहले पनि प्रदेश सरकारले जिल्लामा पूरानै कार्यालय खडा गरेका कारण आफ्नो अधिकार क्षेत्र मिचेको आरोप लगाएका थिए । ‘स्थानीय तहले त तर्कहीन कुरा गरेको हो । रिसइबीले बोलेका हुन् । प्रदेशका सबै काम स्थानीय तहले गर्ने भए प्रदेश सरकार किन चाहियो ?,’ उनले भने, ‘बरु संघले प्रदेशकै कार्यालयबाट काम गरे हुन्छ । परियोजना बनाउने नाममा कर्मचारीले खाने बाटो गरेका छन् । मन्त्रीहरुले कुरो बुझेनन् ।’ उनले सार्वजनिक खरिद ऐन तत्कालै संशोधन गर्न प्रस्ताव राखे ।
साझा अधिकार सूचीका संघीय कानुन नबनेको कारण प्रदेशमा कानुन बनाउन नसकिएको, केही कानुनहरुमा स्पष्टता नभएको, प्रहरी प्रदेशमा समायोजन नगरेको लगायत गुनासो राखे । गण्डकी सरकारले प्रदेश प्रहरी ऐन जारी गरिसके पनि संघले समायोजन नगरिदिँदा ऐन कार्यान्वयनमा गएको छैन । उनले आयोजना वर्गीकरणको मापदण्ड बनाएर संघ, प्रदेश र स्थानीय तहको आयोजना छुट्याउनुपर्ने सुझाव दिएका छन् । ‘हजारका योजना पनि संघबाट गइरहेको छ । यसले संघीयता मजबुत हुन्छ ?,’ उनले थपे, ‘संघ, प्रदेश र स्थानीय तहका योजना हेर्ने निकाय बीच समन्वय र सहकार्य गर्ने संयन्त्र छैन । अब आयोजनाको स्केल छुट्याउनुप¥यो ।’ गुरुङले संघबाट हस्तान्तरण भएका बहुवर्षीय योजनाको लागि ठेक्का अनुसार रकम विनियोजन नहुँदा समस्या भएको बताए । प्रदेशका लागि आवश्यक जग्गाको भोगाधिकार नहुँदा पनि काममा समस्या परेको उनको भनाइ छ ।
संघले निजामती सेवा सम्बन्धी ऐन नबनाउँदा प्रदेश निजामति सेवा ऐन कार्यान्वयनमा आएको छैन । प्रदेश र स्थानीय तहमा कर्मचारीको निकै अभाव छ । हाल प्रदेश सरकार मातहत २ हजार ८ सय ४१ दरबन्दी छ । त्यसमध्ये २ हजार २२ मात्रै कर्मचारी छन् । अझै ७ सय ११ कर्मचारी पुगेको छैन । मुख्यमन्त्री गुरुङले तत्कालै कर्मचारी भर्ना गर्ने बाटो फुकाइदिन माग गरे । उनले सवारी दर्ता प्रणाली र चालक अनुमति पत्रको सर्भ सिस्टम सन्चालनमा समस्यमा भएको भन्दै दुवै सफ्टवेयर प्रदेशलाई हस्तान्तरण गर्नुपर्ने बताए । यस्तै, स्मार्ट लाइसेन्सको छपाइ प्रदेशबाटै हुनुपर्ने उनको माग छ ।
Related News
सम्बन्धित समाचार
कतारी अमिरलाई ‘रुद्रकली’ र ‘खगेन्द्रप्रसाद’ !
फेवातालमा दुर्घटनामा परेका ५ जनाको उद्धार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
hero news full width
मुख्य समाचार
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
वैशाख १०, २०८१मुग्लिन–पोखरा सडक विस्तार : म्याद सकियो, काम अधुरै
वैशाख १०, २०८१कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१