पोखरा । लायन्स क्लब अफ पोखरा सेन्ट्रल गार्डनले मेलवन्स जोन्सको जन्मसप्ताह सेवामय कार्यक्रम साथ सम्पन्न गरेको छ ।
क्लबले डिस्ट्रिकको निर्देशन अनुसार जनवरी ७ देखि १३ तारिखसम्म विभिन्न कार्यक्रम गरेर मेलबिन्स सप्ताह मनाएको हो ।
क्लबले जनवरी ७ देखि १३ गतेसम्म फेदीखोला गाउँपालिका भाटखोला स्याङ्जाको शारदा रमणीय डाँडा आधारभूत विद्यालयका विद्यार्थीलाई सात दिन, सातथरी खाजा खुवाएको छ ।
खाजा कार्यक्रमको रकम ग्रहण गर्दै विद्यालय व्यवस्थापन समितिका अध्यक्ष याम रानाभाटले क्लबको साथ र सहयोगले विद्यालयका गतिविधिलाई उल्लेख्य टेवा पुगेको बताए ।
क्लबले दोस्रो कार्यक्रम अन्तर्गत जनवरी १० तारिखदेखि पोखरा २२ का छात्रलाई ६ महिने आधारभूत र डिप्लोमा कम्प्युटर कोर्ष निःशुल्क पढाउन शुरु गरेको छ ।
सप्ताहको अन्तिम दिनमा क्लबले पोखरा रामबजारको भिजन बोर्डिङ स्कुलका विद्यार्थी र विद्यालयलाई शैक्षिक सामग्री, मास्क, स्यानिटाइजर जस्ता सचेतना सामग्री हस्तान्तरण गरेको छ ।
सहयोग ग्रहण गर्दै विद्यालयका प्रिन्सीपल तिलक थापाले बजारमा भए पनि सीमान्तकृत समुदायका बालबच्चा अध्ययन गर्ने विद्यालयमा क्लबको सहयोगले विद्यार्थीलाई राहत मिल्ने धारणा राखे ।
क्लबका संस्थापक अध्यक्ष हरि भाटले क्लबले मेलविन्सको जन्म सप्ताह डिस्ट्रिकको नर्चर द फ्युचर उद्घोष केन्द्रित सामुदायिक र सीमान्तकृत विद्यार्थी लक्षित कार्यक्रम सञ्चालन गरेको जानकारी दिए ।
क्लबका पूर्व अध्यक्ष कृष्ण रानाभाटले क्लबले मेलविन्सको जन्मसप्ताहमा क्लबले प्रभावकारी सातवटा कार्यक्रम सञ्चालन गर्नुका साथै एक दर्जन कार्यक्रममा सहभागी भएको स्मरण गरे ।
द्वितीय उपाध्यक्ष आनन्द पौडेलले मानव जीवनमा मान्छेलाई नेतृत्व विकास गराउन, आत्मियता बढाउन र व्यक्तिमा सामाजिक भावना बनाउन लायन्स क्लब कोशेढुङ्गा सावित भएको धारणा राखे ।
क्लब अध्यक्ष असफल गौतमले लायन्स क्लबमा आवद्ध हुनु भनेको जीवन जिउने कला सिक्नु भएको बताए ।
क्लबले मेलबन्स सप्ताह अवधिभर खाजा, स्टेशनरी, सचेतना सामग्री सहयोग, कविता प्रतियोगितामा पुरस्कार प्रायोजन, सेवामुलक कार्यक्रममा व्यानर सौजन्यलगायतका कार्यक्रम सम्पन्न गरेको मेम्बरसीप चियरपर्सन तुल रानाभाटले जानकारी दिए ।
Related News
सम्बन्धित समाचार
लायन्स आदर्श चौतारीमा सूर्य पोख्रेल
लायन्स अन्नपूर्णमा गणेश छवि
लायन्स डिस्ट्रिक्क ‘जे’ को गभर्नरमा मीलन थापा
लायन्स आदर्श चौतारीको सहयोग
रोटरी युथ लिडरसिप अवार्डबाट नौलो अनुभूति
hero news full width
मुख्य समाचार
वर्षाले हिलाम्मे पोखरा प्रवेशमार्ग
असुरक्षित टहरामा बस्न वाध्य सुरक्षाकर्मी
चैत्र १५, २०८०गण्डकी सरकारले २०८१ मा ३ दिन बिदा दिने
चैत्र १५, २०८०किरिया बसेका दाजुभाइ परीक्षामा
चैत्र १५, २०८०सुरु भयो एसइई, ५ लाख ४ हजार ४ सय १४ विद्यार्थी सामेल
चैत्र १५, २०८०बजेट अभावमा नगर अस्पतालको काम रोकियो
चैत्र १५, २०८०