Worldlink ads

एम्बुलेन्स खरिद गर्न सिद्धार्थ क्लबलाई सहयोग

Avatar आदर्श समाज सम्वाददाता
माघ १, २०७७
ambulance

पोखरा । शुभसिद्धार्थ बचत तथा ऋण सहकारी संस्थाले सिद्धार्थ क्लबलाई ५१ हजार रुपैयाँ सहयोग गरेको छ ।

क्लबको १३ औं साधारणसभा अवसरमा सामाजिक उत्तरदायित्व कार्यक्रमअन्तर्गत क्लबको एम्बुलेन्स खरिद गर्न सहकारीले सो रकम सहयोग गरेको हो । सहकारी अध्यक्ष विनोदप्रसाद श्रेष्ठले सिद्धार्थ क्लब अध्यक्ष पार्वती माकाजूलाई उक्त रकम हस्तान्तरण गरेका हुन् ।

सिद्धार्थ क्लब अध्यक्ष माकाजूले क्लबले २०५३ सालदेखि सिद्धार्थ बचत कोषमार्फत सदस्यबीच आर्थिक उन्नति हुँदैै आएको बताइन् । २०६४ सालमा क्लबद्वारा प्रवद्र्धित शुभसिद्धार्थ सहकारीले क्लबलाई एम्बुलेन्स खरिद गर्नको आर्थिक सहयोग प्रदान गरेकोमा आभार व्यक्त गरिन् ।

क्लबले पोखरामा २०५५ सालदेखि एम्बुलेन्स र २०५७ सालदेखि शववाहन सञ्चालन गर्दै आएको छ ।
सहकारीका संस्थापक अध्यक्ष श्यामकृष्ण श्रेष्ठले सहयोग गर्न पाउँदा खुसी लागेको बताए ।

कार्यक्रममा सहकारीका कोषाध्यक्ष गणेशलाल श्रेष्ठले स्वागत र सचिव सचिन श्रेष्ठले सञ्चालन गरेका थिए ।

Related News

सम्बन्धित समाचार

    hero news full width

    sanil ads

    wordlink ads