Worldlink ads

‘हामी मान्छे’ सार्वजनिक

Avatar आदर्श समाज सम्वाददाता
पौष २९, २०७७
Heal Himalayas Title song release (2)

पोखरा । हिल हिमालयज संस्थाको शीर्ष गीति भिडिओ ‘हामी मान्छे’ सार्वजनिक भएको छ । संस्थाकै युट्युब च्यानल ‘हिल हिमालयज’ मार्फत गण्डकी प्रदेशसभा सदस्य राजीव गुरुङले गीति भिडिओ सार्वजनिक गरे ।

उनले प्रकृतिलाई पुनर्जीवन दिने उद्देश्यले थालिएको युवाको सत्कर्मले नयाँ सन्देश दिएको बताए ।

पोखरा जुओलोजिक पार्कका संयोजक हिमालय बख्रेलले प्रकृति संरक्षणको अभियानमा लागेका युवाले समाजलाई नै प्रेरणामूलक सञ्चार प्रवाह गरेको बताए ।
कार्यक्रममा संस्थाको साप्ताहिक सफाइ अभियानलाई हौसला प्रदान गर्दै कुसुमकृष्ण आयुर्वेदका सञ्चालक कृष्णबहादुर राउतले ५ हजार तथा मास्क सहयोग गरेका थिए ।

कार्यक्रममा सांसद गुरुङका स्वकीयसचिव रोनित गुरुङ, हिल हिमालयजका अध्यक्ष रोशन गुरुङलगायतले बोलेका थिए ।

गीतमा संस्थाका सफाइ अभियन्ता आर्सन क्षत्रीको शब्द तथा स्वर छ । साइमन तझ्याले संगीत भरेको उक्त गीति भिडिओको निर्माण लेबल नेक्स्टले गरेको हो ।
संस्थाले सरसफाइअन्तर्गत २८ औं श्रृंखला पूरा गरेको छ । जसबाट ४१ हजार केजी बढी फोहोर संकलन भएको संस्थाका सदस्य विश्वास गुरुङले बताए ।

Related News

सम्बन्धित समाचार

    hero news full width

    sanil ads

    wordlink ads