पोखरा । गण्डकी प्रदेश सभाको मंगलबारको बैठकमा बोल्ने क्रममा आफू संघको चुनाव लड्ने भन्दै मन्त्री खोज्न मुख्यमन्त्रीसँग आग्रह गरेका उद्योग, पर्यटन, वन तथा वातावरण मन्त्री विकास लम्सालले साँझपख बोली फेरेका छन् ।
उनले दिउँसो भनेका थिए, ‘‘माननीय मुख्यमन्त्री ज्यू, मलाई वैशाखमा चुनाव लड्ने मन छ । अब संघमा जाने हो, हिजो पनि उतै थिएँ, उनले भने, ‘कसलाई ल्याएर राखेर मन्त्रालय चलाउने हो, मन्त्री खोज्नुस् । म चुनावमा जाने हो । तपाईं मेरो पार्टीको इन्चार्ज पनि हो । मलाई संघको टिकट दिनुस् । यो संविधान बचाउनुपर्छ ।’
सचिवालयमार्फत विज्ञप्ति जारी गरेर उनले ‘मध्यावधि निर्वाचन तोकिएकै समयमा हुने हुँने हुँदा त्यसका लागि म पनि तयार छु र हजुरहरु पनि तयार हुनुहोस भन्ने मनसायका साथ प्रदेश सभा बैठकमा आफ्नो अभिव्यक्ति राखेको’ बताएका छन् । प्रदेश सरकारलाई कमजोर बनाउन आफू मन्त्रिपरिषबाट बाहिरिन नभई प्रतिनिधिसभाको मध्यावधि निर्वाचन तोकिएकै समयमा हुन्छ भनी विश्वस्त पार्न उक्त अभिव्यक्ति मन्त्रीले दिएको विज्ञप्तिमा उल्लेख छ ।
प्रधानमन्त्री केपी शर्मा ओलीले संसद भंग गरे वैशाखमा मध्यावधि निर्वाचन घोषणा गरेका छन् । संविधान त प्रदेश र संघको चुनाव एकै पटक हुन्छ । तर दलभित्रकै खिचातानीका कारण प्रधानमन्त्रीले प्रतिनिधि सभा भंग गरेपछि प्रदेशस्तरमा पनि त्यसको प्रभाव देखिएको हो । बीचैमा प्रतिनिधि सभाको मध्यावधि चुनाव हुँदा अहिले प्रदेशमा रहेका सांसदहरुको राजनीतिक ‘करिअर’ मा नै प्रभाव पार्ने भएको छ । प्रदेश छाडेर संघमा उक्लनकै लागि मन्त्री लम्सालले यो घोषणा गरे पनि चौतर्फी आलोचनापछि बोली फेर्न वाध्य भएका हुन् । । उनी तत्कालीन एमालेको सूर्य चिह्न लिएर पर्वतबाट विजयी भएका हुन् । लम्साल संविधान सभा सदस्य हुन् । प्रतिनिधि सभाको १ क्षेत्र रहेको पर्वतबाट गएको निर्वाचनमा एमालेकै पदम गिरीले जितेका हुन् ।
‘अब म फेरि यो संसदमा आउँछु कि आउँदिन । वैशाखमा चुनाव जितें भने माथि जाउँला,’ उनले सदनमा भनेका छन्, ‘म गइनँ भने पनि केपी ओलीले समर्थन गरेको मान्छे त्यहाँ जान्छ । उसलाई जिताउनुपर्छ । पहिले १२ हजार भोटले जितेको हो, अब १५ हजार भोटले जित्नुपर्छ ।’
मुख्यमन्त्री र नेकपाका नेता तथा प्रदेश १ का प्रदेश प्रमुख सोमनाथ अधिकारी (प्यासी) आफ्नो प्रेरणाको स्रोत भएको उल्लेख गर्दै मन्त्री लम्सालले आफूले कुनै गल्ती नगरेको दाबी गरे । ‘प्रदेश प्रमुख, सोमनाथ प्यासी प्रेरणाको स्रोत हो । उहाँले फोन गरेर काम गर्दा कसैले प्रश्न उठाएको सुन्न नपरोस भन्नुभएको छ,’ सांसदहरुलाई उनले भने, ‘१ रुपैयाँ तलमाथि भएको भए ल्याउनुस् । समयमा काम नभएको भए भन्नुस् ।’
महंगी नियन्त्रणबारे जवाफ दिन रोस्टम पुगेका उनले केपी समूहको नेकपाले बहुमत ल्याउने भाषण गरेर फर्किए । ‘फेरि केपी ओलीले बहुमत ल्याउँछन् । पहिले ९० सिट आएको हो, अब १ सय २० सिट आउँछ । पहिले ३३ लाख थियो, अब ५० लाख आउँछ,’ उनले भने ।
याे पनि
मध्यावधि चुनाव लड्न प्रदेशसभाबाट राजीनामा दिने मन्त्री विकास लम्सालको घोषणा
Related News
सम्बन्धित समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१