पोखरा । पोखरा उद्योग वाणिज्य संघको ३३ औं महाधिवेशनमा नारायण कोइराला प्यानलले वर्चश्व कायम गरेको छ । अध्यक्षका प्रत्यासीलाई ४ सय १० मतअन्तरले पराजित गरेका नारायण कोइरालाले अघिल्लो पालि अध्यक्षको हार बिर्साउँदै २ वर्षका लागि उद्योगी व्यवसायीको नेतृत्व लिन सफल बने ।
विजयी उनले १ हजार ३ सय ७५ मत प्राप्त गर्दा अध्यक्षका प्रत्यासी बिन्दु कोइराला सुवेदीले ९ सय ६५ मत प्राप्त गरिन् । शनिबार भएको मतदानमा कुल ३ हजार ५४ मतदातामध्ये करिब ७५ प्रतिशत अर्थात २ हजार ३ सय ६५ मत खसेको थियो ।
संघको वरिष्ठ उपाध्यक्षमा पवनकुमार प्रजापति निर्विरोध हुँदा उपाध्यक्ष (वाणिज्य) तर्फ अर्जुन पोखरेल विजयी बने । उपाध्यक्ष (उद्योग) तर्फ स्वतन्त्र उम्मेदवारी दिएका गोकर्ण कार्की निर्वाचित भए । उनले नारायण प्यानलकी चिनुकुमारी गुरुङलाई पराजित गरेका हुन् ।
यस्तै, महासचिवमा सुरेन्द्रमान बिजुक्छे निर्वाचित भए । विजयी बिजुक्छेले महासचिवका प्रत्यासी धनीराम बराललाई भारी मतान्तरले पछि पारेका हुन् । उपमहासचिवमा केशवबहादुर खत्री चुनावी मतपरिणाममा निर्वाचित भए । उनले प्रत्यासी धर्मराज बर्तौलाले हराएका हुन् ।
कोषाध्यक्षमा बलराम आचार्य निर्वाचित हुँदा तारानाथ ढुंगानाले हार स्वीकारे ।
१० जना साधारण सदस्यको लागि १६ जनाको उम्मेदवारी परेकोमा शोभा गौतम, देवेन्द्र केसी, कुमारी मुना बास्तोला, उत्तममान बुद्धाचार्य, सुदीप प्रधानांग, हरिराज पन्त, भरत केसी, दिनेशचन्द्र बास्तोला, सुदनबहादुर कोइराला र पवित्रादेवी गुरुङ निर्वाचित भएको निर्वाचन समिति संयोजक तीर्थ श्रेष्ठले जानकारी दिए । उत्तममान र सुदीप दुवैले स्वतन्त्र उम्मेदवारी दिएका हुन् । यस्तै विजयीमध्ये पत्रिवादेवी बिन्दु कोइराला प्यानलकी हुन् ।
२ वस्तुगत सदस्यमा हरिहर सापकोटा र हर्कबहादुर अधिकारी (मिराज) र १ औद्योगिक सदस्यतर्फ हीरामणि पण्डित निर्विरोध भएका छन् । हरिहर र हर्कबहादुर दुवै नारायण प्यालनबाट चुनावमा होमिएका थिए ।
४ जना वस्तुगत सदस्यतर्फ बालाकृष्ण कोइराला, राजन गोंगजु, बलराम तिमिल्सिना र रुपनारायण भुजेल निर्वाचित भए । चुनावमा ८ जनाको उम्मेदवारी परेकोमा उदयबहादुर केसीसहित बलराम तिमिल्सिना र रुपनारायण भुजेलको समान १५ मत परेपछि गोलाप्रथामा तिमिल्सिना र भुजेल भाग्यमानी बनेका हुन् ।
नवनिर्वाचित अध्यक्ष नारायण कोइरालाले चुनावमा जिताउन सहयोग गर्ने मतदातासहित सम्पूर्णमा आभार व्यक्त गरे । व्यवसायमा दुखसुख बुझेको भन्दै उनले कोरोना भाइरसको संकटबाट व्यवसायको पुनरुत्थान गर्न पहल गर्ने प्रतिबद्धता व्यक्त गरे ।
पूर्व अध्यक्षका सल्लाहसुझावअनुसार अघि बढ्ने भन्दै उनले नेतृत्वको जिम्मेवारी पूरा गर्ने आफ्नो दायित्व रहेको बताए । २०७३ सालको चुनावमा अध्यक्षमा पराजित उनी अघिल्लो चुनावबाट वरिष्ठ उपाध्यक्ष बनेका थिए ।
अध्यक्षका प्रत्यासी बिन्दु कोइराला सुवेदीले चुनावमा हारजित निश्चित भएको उल्लेख गर्दै चुनावमा सहयोग गर्ने सम्पूर्णप्रति आभार प्रकट गरिन् । उनले यो चुनावले महिला नेतृत्वको लागि हाम्रो समाज कति तयार छ भन्ने पनि देखाएको उल्लेख गरिन् । १५ वर्षसम्म संघको विभिन्न पदमा रहेर भूमिका निर्वाह गरेकी उनी यसअघि २ कार्यकाल उपाध्यक्ष थिइन् ।
शनिबार भएको मतदानको आइतबार बिहानदेखि संघको कार्यालय गैह्रापाटनमा मतगणना भएको हो । जसको अन्तिम परिणाम राति ७ बजेमात्र आएको हो ।
संघका निवर्तमान अध्यक्ष दामु अधिकारीले नवनिर्वाचित अध्यक्षलाई पद तथा गोपनीयताको शपथ खुवाए । यस्तै निर्वाचित अध्यक्षले निर्वाचित अन्य पदाधिकारी तथा सदस्यलाई शपथ खुवाए ।
Related News
सम्बन्धित समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
hero news full width
मुख्य समाचार
रोजगार खोज्दै मेलामा
कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
वैशाख १०, २०८१